太湖花園
太湖花園（Serenity Park）係香港大埔區一個私人屋苑，約莫有2500個住宅單位，係大埔區數一數二嘅大型屋苑。屋苑近住港鐵太和站，太和站行過去大概5至8分鐘，之間有行人隧道連接，重有單車徑。屋苑嚮大埔頭，有平台花園，附近有康體設施。
物業資料
[編輯]屋苑總共有18座，分兩期入伙：
- 第一期有15座，喺大埔頭路18號，地產發展商係信和置業同中國海外合作，1992年入伙，比較近港鐵站。
- 第二期有3座，喺大埔頭徑1號，發展商係信和置業獨資，1995年初入伙，戶戶落地玻璃，建築質素較好。
每座有1梯8伙，層數最高分別到20至22樓。
標準分層建築面積：約478至580平方呎，都係兩睡房1浴室規格，住到兩至五個人。
特色單位：880平方呎，一、二期頂層有複式單位連私人天台住宅；一期地下有連私人花園住宅單位。
設施
[編輯]太湖花園兩期物業各自設有住客會所，設施包括健身室、泳池、桑拿房、桌球室、壁球室、音樂室等、亦設有兒童遊樂場、公園、停車場咁。
附近
[編輯]出面網頁
[編輯]
