威爾斯親王

出自維基百科,自由嘅百科全書
跳去導覽 跳去搵嘢
呢度講嘅係聯合王國嘅一個封號;如果你想揾第啲意思,請睇威爾斯親王 (搞清楚)
威爾斯親王徽

威爾斯親王威爾斯文Tywysog Cymru)係英國嘅一個封號,傳統上封畀男性王位繼承人。現任嘅威爾斯親王係威廉

[編輯]

威爾斯親王原先係威爾斯親王國嘅國王銜頭,源自羅馬時期嘅一個稱號「不列顛之王」。5世紀之後,羅馬人離開不列顛,令盎格魯-撒遜人乘虛而入,攻佔不列顛,不列顛文化分裂,形成唔同族群,其中最大嘅就係威爾斯。響後羅馬時期,唔同人響威爾斯建立咗好多王國,其中最為強大嘅國王會畀叫做「不列顛之王」。

而「威爾斯親王」呢個封號第一次出現係響1137年,由威爾斯親王國統治者格魯菲德·阿頗·卡南(Gruffudd ap Cynan)持有。自此之後,威爾斯親王國嘅統治者都會自稱為「威爾斯親王」。盧埃林大帝時期,威爾斯親王國遂漸形成同統一。盧埃林·阿頗·格魯菲德(Llywelyn ap Gruffydd)係最後一位被承認嘅威爾斯親王國統治者,佢響1282年嘅Orewin Bridge之戰陣亡後,威爾斯四分五裂,最終響1301年被愛德華一世征服。而最後一位自稱「威爾斯親王」嘅歐文·格林杜爾(Owain Glyndŵr)響1412年失蹤後,「威爾斯親王」正式成為屬於英格蘭嘅封號。

愛德華一世響征服威爾斯後,將「威爾斯親王」呢個封號封畀自己個仔加拿分嘅愛德華,而加拿分嘅愛德華成為第一位英倫嘅威爾斯親王。自此之後,英王都會封自己嘅皇位繼承人做「威爾斯親王」,久而久之就成為英國皇儲嘅同義詞。但「威爾斯親王」並唔係皇儲自動擁有,而需要在生嘅英王正式冊封先至可以擁有,而且係男性先至有,女性冇份,例如英女王伊利沙伯二世,登基前雖然係英國皇儲,但並未獲得「威爾斯親王」。

威爾斯親王嘅老婆通常叫威爾斯王妃。例外就係卡米拉,因為「威爾斯王妃」畀人普遍認為屬於已經過身嘅戴安娜,因此身為查理斯第二任老婆嘅卡米拉雖然擁有威爾斯王妃嘅稱號,但出席公眾場合嗰陣只會用「康和公爵夫人」呢個名號。

歷任威爾斯親王[編輯]

威爾斯[編輯]

「威爾斯親王」封號響呢個時期由威爾斯親王國嘅統治者持有。

威爾斯親王 任期 同前任親王嘅關係 備注
格魯菲德·阿頗·卡南 1136年—1137年 N/A 第一任威爾斯親王
歐文·阿頗·格魯菲德 1137年—1170年 父子 雖然嚴格上係第二任威爾斯親王,但由於前任親王在任時期太短,因此民間普遍認為佢先係第一任威爾斯親王。
里斯·阿頗·格魯菲茲 1171年—1197年 舅甥
盧埃林大帝 1228年—1240年 遠親 係第二任威爾斯親王歐文·阿頗·格魯菲德個孫。
達菲德·阿頗·盧埃林 1240年—1246年 父子 第一位畀英王承認嘅威爾斯親王。
盧埃林·阿頗·格魯菲德 1246年—1282年 叔侄 最後一任被承認為「威爾斯親王」嘅威爾斯統治者。
達菲德·阿頗·格魯菲德 1282年—1283年 兄弟 響大佬盧埃林戰死後繼位成親王,希望復辟,但最終響1283年戰敗陣亡。

響盧埃林·阿頗·格魯菲德同達菲德·阿頗·格魯菲德先後戰死之後,威爾斯親王國被英王愛德華一世征服,但之後亦陸續有人自立為威爾斯統治者,宣稱自己先至係「威爾斯親王」。下面嘅表就係講緊自稱為親王嘅人,跟自稱嘅時期嚟排。

宣稱嘅時間 備注
馬多格·阿頗·盧埃林 1294年—1295年 歐文·阿頗·格魯菲德嘅後人
歐文·勞戈赫 1372年—1378年 盧埃林大帝嘅曾孫
歐文·格林杜爾 1400年—1412年 盧埃林大帝嘅女系後人
最後一位自稱為威爾斯統治者嘅人

英格蘭[編輯]

威爾斯親王 英王 後者同前者關係 任期 備注
加拿分嘅愛德華 愛德華一世 父子 1301年1307年 繼位
黑太子愛德華 愛德華三世 父子 1330年1376年 早死
波爾多嘅理察 爺孫 1376年—1377年 繼位
蒙茅斯嘅亨利 亨利四世 父子 1399年1413年 繼位
西敏嘅愛德華 亨利六世 父子 1453年1461年
1470年1471年
1471年
1461年阿爸被廢,愛德華四世奪位。1470年愛德華四世被廢,阿爸奪返位。1471年同阿爸死,愛德華四世奪返位。
約克嘅愛德華 愛德華四世 父子 1471年1483年 繼位
米德爾赫姆嘅愛德華 理察三世 父子 1483年—1484年 早死
亞瑟·都鐸 亨利七世 父子 1486年1502年 早死
亨利·都鐸 父子 1502年—1509年 繼位
愛德華·都鐸 亨利八世 父子 1537年1547年 繼位
亨利·費特力·斯圖亞特 詹士一世 父子 1603年1612年 早死
查理斯·斯圖亞特 父子 1612年—1625年 繼位
查理斯·斯圖亞特 查理斯一世 父子 1630年1649年 1649年阿爸死,英倫共和國成立,1660年繼位,英倫共和國滅亡。
詹士·法蘭西斯·愛德華·斯圖亞特 詹士二世 父子 1688年 阿爸被廢
佐治·奧古斯都 佐治一世 父子 1714年1727年 繼位
費特力·路易 佐治二世 父子 1727年—1751年 早死
佐治·威廉·費特力 爺孫 1751年—1760年 繼位
佐治·奧古斯都·費特力 佐治三世 父子 1762年1820年 繼位
亞厘畢·愛德華 維多利亞女皇 母子 1841年1901年 繼位
佐治·費特力·恩斯特·亞厘畢 愛德華七世 父子 1901年—1910年 繼位
愛德華·亞厘畢·基斯頓·佐治·安德魯·博德·大衛 佐治五世 父子 1910年—1936年 繼位
查理斯·菲臘·亞瑟·佐治 伊利沙伯二世 母子 1958年2022年 繼位
威廉·亞瑟·菲臘·路易 查理斯三世 父子 2022年至今