愛德華八世

出自維基百科,自由嘅百科全書
愛德華八世
姓名原文Edward VIII
出生日1894年6月23號 喺Wikidata改呢個
出生地White Lodge 喺Wikidata改呢個
本名His Highness Prince Edward of York
死亡日1972年5月28號 喺Wikidata改呢個 (77歲)
死亡地巴黎 喺Wikidata改呢個
死因laryngeal cancer 喺Wikidata改呢個
國籍英國大不列顛愛爾蘭聯合王國 喺Wikidata改呢個
母語英式英文 喺Wikidata改呢個
識嘅語言英文 喺Wikidata改呢個
信奉英格蘭教會 喺Wikidata改呢個
母校抹大拉學院、Britannia Royal Naval College、Royal Naval College, Osborne 喺Wikidata改呢個
職業軍人君主、aristocrat 喺Wikidata改呢個
配偶Wallis Simpson 喺Wikidata改呢個
家族溫莎王朝 喺Wikidata改呢個
阿爸佐治五世 喺Wikidata改呢個
阿媽Mary of Teck 喺Wikidata改呢個
兄弟姊妹佐治六世、Princess Mary, Princess Royal of the United Kingdom、Prince Henry, Duke of Gloucester、Prince George, Duke of Kent、Prince John of the United Kingdom 喺Wikidata改呢個
愛德華八世

愛德華八世(Edward VIII of the United Kingdom,1894年6月23號1972年5月28號),全名愛德華·亞厘畢·基斯頓·佐治·安德魯·博德·大衛(Edward Albert Christian George Andrew Patrick David),係英國同英屬海外各自治領嘅國王同埋印度皇帝,1936年1月20號繼位,同年12月11號退位,做咗唔夠一年。愛德華係唯一一個自願退位嘅英國君主。

1937年佢被封為溫莎公爵

名號[編輯]

愛德華八世嘅全名愛德華‧阿爾拔‧基斯旬‧佐治‧安德魯‧博德‧大衛Edward Albert Christian George Andrew Patrick David),包含阿爺愛德華七世、阿公基斯頓九世(丹麥國王)、老頭嘅名同埋英格蘭(聖佐治)、蘇格蘭(聖安德魯)、愛爾蘭(聖博德)、威爾斯(聖大衛)嘅守護聖者名。

繼位前,佢係羅撒西公爵康和公爵威爾斯親王殿下(又叫威爾斯太子)。

在位期間,佢嘅全稱係聯合王國國王、英屬海外各自治領土國王同埋印度皇帝。

退位後佢畀細佬佐治六世封為溫莎公爵。

早年生活[編輯]

愛德華生於舒梨郡里士滿嘅帕拉底歐式白色木屋。佢老頭係約克公爵佐治王子(後來佐治五世),係愛德華七世僅存嘅仔。佢阿媽係約克公爵夫人(後來嘅瑪麗王后)。作為維多利亞女王嘅長曾孫,一出世愛德華就係約克 愛德華王子殿下。佢嘅屋企人叫佢全名最後一個字「大衛」。

威爾斯親王[編輯]

1910年5月6號佢阿爸繼位,佢自動成為康沃爾公爵、羅撒西公爵、卡利克伯爵、仁弗魯男爵、蘇格蘭外島勛爵同埋蘇格蘭嘅大管家。1910年6月2號佢又被封為威爾斯親王同埋賈斯特伯爵。喺威爾士政治人大衛‧萊特‧佐治嘅主張下,1911年受封儀式喺加納封堡正式舉行。嗰次係中世紀以來首次真正喺威爾斯舉行嘅名銜受封儀式。

軍旅生活[編輯]

第一次世界大戰期間,愛德華一到服役年齡最低要求,隨即話有興趣參軍。佢獲批准入伍,同英國護衛隊一齊服役。雖然愛德華話願意上前線做嘢,但英國政府唔畀,怕王位繼承人受傷。即使係噉,愛德華見識過戰壕戰嘅可怕,又盡佢所能探望前線。雖然佢嘅角色非常有限,但就令佢受到士兵嘅愛戴。

愛情生活[編輯]

1928年,佐治五世畀咗愛德華鄰近伯克郡桑寧代爾嘅Fort Belvedere作為住宅。此後愛德華開始同一啲已婚女子發生戀情,包括弗麗達‧達德利‧沃德、佛奈斯侯爵夫人及華里絲‧辛普森。辛普森夫人結過兩次婚,當時重有老公恩尼斯特‧辛普森

愛德華同辛普森夫人嘅關係令佢同阿爸佐治五世關係惡化。愛德華嘅父母都唔接受辛普森夫人,佢細佬阿爾拔王子極力慫恿愛德華另覓佳配,最有影響力嘅英國國教教會亦表示反對,但愛德華同辛普森夫人嘅關係始終不變。

繼位[編輯]

1936年1月20號佢父王佐治五世駕崩,愛德華繼任英國國王,成為愛德華八世。

退位[編輯]

內文:愛德華八世退位風波

1936年11月16號,愛德華同首相史丹尼‧鮑德溫喺Fort Belvedere見面,講出佢想同辛普森夫人結婚嘅諗法。當時首相畀愛德華三個選擇︰

  1. 取消結婚嘅諗法(好明顯,愛德華唔會放棄辛普森夫人)
  2. 迎娶辛普森,違抗首相意願(政府好有可能會投降,但會引起憲法風波)
  3. 退位(愛德華嘅選擇

最後佢喺1936年12月10號簽署退位信,12月11號英國國會批准,愛德華八世正式退位,由佢細佬阿爾拔王子繼承,是為佐治六世

溫莎公爵[編輯]

1937年3月8號佐治六世為佢阿哥、前國王創立咗一個名銜──溫莎公爵

同年6月3號溫莎公爵同華里絲‧辛普森喺法國舉行私人婚禮,英國王室成員一個都冇現身。婚禮剩低嘅一塊蛋糕喺1998年2月一個拍賣會度以29900美元成交,係至今最貴嘅蛋糕[1]

1937年,溫莎公爵伉儷去到德國納粹首領阿道夫‧希特拉嘅私人訪客。其後佢哋去法國定居。1940年8月18號,溫莎公爵俾英國政府派到巴哈馬出任殖民地總督,直至1945年7月28號

近年來,美國聯邦調查局解密嘅資料顯示,二戰前同埋期間,溫莎公爵伉儷都贊同法西斯主義。喺二戰之後亦都發表過類似言論[2]。英國同德國開戰前四個月,佢直頭叫英國人唔好反抗[3]

溫莎公爵伉儷冇仔女。溫莎公爵1972年因喉癌死喺巴黎,終年77。

名譽博士[編輯]

睇埋[編輯]

參考[編輯]

  1. 味數字補充 金錢篇. 牛津大學出版社. 歸檔時間2008-01-05. 喺2014-01-20搵到.{{cite web}}: CS1 maint: bot: original URL status unknown (link)
  2. "Britian's Nazi King?". National Geographic Channels. {{cite episode}}: Missing or empty |series= (help)
  3. "Historians believe the Duke of Windsor actively collaborated with the Nazis during the Second World War" (加拿大英文). Canadian Broadcasting Company. 2022年11月10號. 喺2023年6月26號搵到.
  4. His Royal Highness Edward, Prince of Wales - 檔案 - 名譽博士學位畢業生 - 香港大學名譽博士學位畢業生 (繁體中文). 香港大學. 原著喺2020年4月17號歸檔. 喺2020年4月17號搵到.
  • 溫莎公爵自傳A King's Story1951年
  • 公爵夫人的書The Heart has its Reasons1956年