字母ſ

英文長圓混用。Congress寫做Congreſs

拉丁文長圓混用

ſ f 近形。secret foe寫成ſecret foe

大細階。左大右細

字母演化

拉丁文字母演化

ſ，拉丁字母之一，佢由s變成，兩個一樣，祇不過拉丁文演化手寫字款，得出唔同寫法。ſ 長，s 圓。歐洲有段時間兩者隨意混用。後尾各地都立埋規舉，教人點樣用法，長放開頭中間，圓就放尾。後來用法各文有異，有多啲規舉。一般無意義之分，至終消亡。德文有啲情況，仍然有用。

ſ 形容為長，按位叫頭或中。s 形容為短同圓，按位叫尾。佢唔祇一款寫法，有ſ、ſ、 ſ、 ſ咁。

原本拉丁字母無分大小階，大小祇不過手寫字款之分，人人隨心所用。後世有印刷先至有劃一，ſ 一般認為無另立大階，大階即S。不過實情有過大階。

後世希臘文亦有對應拉丁文，常用σ，尾用ς。

ſ 同 f 好似，要小心唔好搞錯。有啲字款ſ 有左一橫，但唔會棟穿，同 f 更似。

舊書人見到孖s會寫 ſſ 或者 ſs 。德文會二為一，寫成ß 。

數學用積分號∫，亦由ſ 變成，皆因積拉丁文為summa，當時寫造ſumma，萊布尼茲就用咗第一字母代表。萬國音標亦有ʃ，以示清齦腭擦音。