孟昭娟

孟昭娟（英文：Meng Zhao Juan；1989年12月14號—）係香港女子單車運動員。

簡歷

孟昭娟來自內蒙古通遼奈曼旗，2006年移居香港。

2010年11月，孟昭娟代表中國香港參加2010年亞洲運動會，出戰女子爭先賽，最後喺決賽攞到第7。

2017年9月，孟昭娟代表香港隊出戰第13屆全國運動會，喺女子公路個人賽獲得一面銀牌。賽後，佢表示會休息，暫別港隊。佢身體多處受傷。前一年佢喺亞洲錦標賽前練習炒車，導致頭骨骨裂，神經受損，右耳失去一半聽力，長期耳鳴，因此休息兩個月。全運前3個月，佢又炒車，造成左肩骨折。從炒車、手術到恢復訓練得9日，佢好大壓力。到全運比賽，骨嘅鐵釘同鋼板都未拆。