孫中山讀書治事處紀念碑

孫中山讀書治事處紀念碑（粵拼：syun1 zung1 saan1 duk6 syu1 zi6 si6 cyu5 gei2 nim6 bei1）係中國廣東省廣州市嘅一嚿民國紀念碑，喺越秀山南門嘅百步梯半山腰嗰頭。呢嚿紀念碑係之前孫中山同宋慶齡住過嘅粵秀樓。喺2002年9月俾市政府列為市登記保護文物單位。

主要紀念對象

喺1921年，由於孫中山喺廣州做咗非常大總統，加上總統府就喺而家中山紀念堂嗰邊，結果佢同老婆宋慶齡一齊住咗喺越秀山上邊。到咗1922年6月，陳炯明發動叛變將粵秀樓炸咗。但喺1930年6月，廣州嘅中山紀念堂建築管理委員會喺粵秀樓嘅遺址度整咗個「孫先生讀書治事處」紀念碑嚟紀念孫中山。