宇野實彩子

宇野實彩子（粵拼：jyu5 je5 sat6 coi2 zi2；日文：宇野実彩子；1986年 7月16號—），花名茜（あかね），係日本嘅演員同經理人、散文作者，亦係愛碧思集團所屬唱跳組合AAA（triple A）嘅成員。

來歷

宇野實彩子喺天主教家庭出世，幼稚園至高中就讀白百合學園，大學考入白百合女子大學文學部，三年級因爲組合嘅問題退學。

宇野實彩子童年嗰陣因爲唔擅長跑步、跳躍運動，而覺得自卑。1994年，開始表現佢有啲自信嘅散文同跳舞才華，又演唱咗不二家嘅廣告歌，慢慢有咗自信^[1]。

1997年，代表日本文部科學省出席聯合國後生夏令營。1999年，參加早安家族嘅偶像明星甄選，但係唔成功。

2001年，代表日本天主教學校聯盟，留洋英國聖保祿女學校，擔任互惠生。受到倫敦西區嘅舞台劇演員影響，立志成爲壹個藝術家。

2002年，參加愛碧思甄選，最終成績係A組5位，接受愛碧思藝術學院嘅專業唱、舞同演技課程教育。

2003年，喺白百合學園高等學校組建歌舞組合，即係後嚟嘅AAA。