安女去咗椰菜田

椰菜田

安女去咗椰菜田，捷克民歌，亦歸童謠。至少一八六一年已經見於民歌書。一八六四年再見於童謠歌集。一八六二年做咗布拉格當地舞曲。

歌分兩節。故仔第一節講安女去椰菜田，收割咗少少葉，放入籃度，點知有個奀皮仔，叫約瑟仔，特登踩爛成籃。個女就叫約瑟仔賠。第二節約瑟仔話點都唔賠，寧願去參軍。安女話你唔好去參軍。唔好耍你老頭老母。總之要賠返畀我。

捷克移民都美國威斯康辛州，亦化成英文。德薩斯州，就用來跳捷克舞。日本又有佢自己改版，同原詞無關，小林純一詞，中田喜直編曲，變拍手、踏地等動作唱遊，幼稚園常教。

各地

捷克文有兩名，原名Šla Andulka do zéli，後又名Šla Nanynka do zéli。捷克文Andulka同Nanynka，都出自Anna。Anna屈折化親名，就變Andulka。Anna又本自希臘文Ἄννα，而即希伯萊文חַנָּה，Ḥannāh。zéli即椰菜。

傳到美國英文Annie in the Cabbage Patch。日文手をたたきましょう，意思一齊拍手，又寫てをたたきましょう，亦有英文版本同日文版本，叫Let's Clap our Hands, Okay，又或叫Let's Clap our Hands。