安樂死過山車

安樂死過山車（英文：Euthanasia Coaster）係有人喺 2010 年提出嘅一個諗頭，係一座設計嚟俾乘客安樂死或者自殺用嘅過山車^[1]。

安樂死過山車個諗頭係噉嘅：座過山車開頭嗰橛會將乘客坐嗰架列車提升到成 510 m 咁高嘅高度（同時乘客喺途中有權揀放棄自殺）；等架列車到咗頂而乘客無意放棄，架車就會直落式噉向下衝，高度會極快噉下跌 500 m，途中架列車嘅速度會去到成每個鐘頭大約 360 km（終端速度）咁快，跟住架車會經過 7 個圈嘅倒行，每個圈都會細過打前嗰個少少。喺成個過程入面，乘客嘅身體會承受相當於地球正常環境大約 10 倍咁勁嘅 G 力，而生理學上嘅研究已知，呢種力大到會令人死亡；最後架列車過埋第 7 個圈嘅倒行之後，就會冇嗮動能停低，工作人員就可以幫乘客收屍^[2]。