安樂蝸
《安樂蝸》（英文：Own Sweet Home）係香港無綫電視製作嘅資訊節目，依家由狄易達、林穎彤、馬俊傑、鍾晴、鄭雋熹同何依婷主持，由2010年12月5號起，響J2逢禮拜日10:30-11:00同20:00-20:30首播，之後響禮拜一15:15-15:45及禮拜二06:00-06:30重播。
史[編輯]
呢個節目係2011無綫節目巡禮推介嘅節目，本來諗住做一季13集節目，但因為收視比預期好，最後變咗常規節目，更攞到雅蘭床褥冠名贊助，係少數獲冠名贊助嘅J2節目。
舊時做過主持嘅重有李君妍、張秀文、曾建怡、余應彤、劉佩玥、容天佑、楊斯雅、王卓淇、譚永浩同林泳淘。
內容[編輯]
呢個節目主要介紹香港後生仔住宅單位嘅設計及裝修，雖然只係面積細小嘅「蝸居」，但都可以係個「安樂窩」。
而家環節：
- 「蝸居主義」：介紹向節目報名嘅「蝸居」間隔、訪問屋主響裝修過程嘅樂趣同煩惱。
- 「設計部屋」：主持人同嘉賓主持一齊訪問、參觀有型格居所嘅名人。
- 「蝸中寶」
- 「蝸居情報」：介紹各區置業情報，參觀一個單位。
