宏利金融

宏利金融股份有限公司（英文：Manulife，全名 Manufacturers Life Insurance Company；法文：Manuvie，全名 Compagnie d’Assurance-Vie Manufacturers；TSX：MFC，港交所：00945，紐交所：MFC）總部位於加拿大多倫多，係一間喺香港交易所上市嘅保險公司。早喺1887年由約翰·麥克唐納爵士創立。主要業務係提供範圍廣泛嘅金融產品同服務，包括個人人壽保險、團體人壽及醫療保險、團體退休金計劃、再保險服務，以及投資管理服務。

公司喺加拿大註冊，主席係Arthur R Sawchuk，總裁兼首席執行官就係Dominic D'Alessandro鄧立忠。

公司喺多倫多證券交所、NYSE同PSE菲律賓證券交易所掛牌，全部都係代號MFC。

按二零零七年三月三十一號嘅市值計算，宏利金融係全球第六大嘅人壽保險公司。

信貸評級

喺二零零六年，宏利金融旗下攞到評級嘅附屬保險公司獲標準普爾信貸評級（「標準普爾」）將佢嘅財政實力評級由「AA+」調升至「AAA」，反映宏利金融財政實力雄厚。宏利喺香港、澳門與及台灣業務嘅控股公司－香港的宏利人壽保險（國際）有限公司亦係宏利金融旗下其中一間獲給予「AAA」評級嘅附屬公司。「AAA」評級係標準普爾八個評級類別中最高級別，宏利攞到呢個評級，足證佢管理架構完善以及財政狀況穩健。

「AAA」評級係標準普爾二十一個評級類別中最高嘅級別，全球得兩間上市壽險公司嘅附屬保險公司有呢個評級，而宏利金融就係其中一間；而另一間係「股神」巴菲特嘅巴郡公司（Berkshire Hathaway）。

代表人物

龍子明，宏利人壽保險高級行政區域總監

連出去