寶崗天主堂
提示：呢篇文講嘅唔係遠東宣教會寶崗堂。
史
[編輯]呢間教堂最初係間教徒嘅聚集地兼拜神嘅公所仔，史載大清道光廿五年（1845年），天主教法國巴黎外方傳教會派咗李其芳神父來廣州傳教，喺教堂所在地開辦咗民眾識字班重搞埋教徒聚會所。後尾越嚟越多教徒過嚟參拜，建築喺1938年6月改成1棟3層樓高，總佔地264m²嘅樣。其中1樓係教堂，2樓同3樓係神父居室。1947年，廣州教區嗌返美國瑪利諾外方傳教會睇住呢間教堂，教會派咗美籍神父馬奕猷（F. Myer）任本堂神父，廣州教區就派咗黃鳴潮神父做副本堂。
1953年，外籍神父離開返國，由華籍神父黃鳴潮接任本堂神父，謝志賢神父接任副本堂。
喺文革陣受到破四舊浪潮影響，教堂冚唪唥嘅宗教停嗮，教堂畀寶崗街服裝廠佔用。直到第12屆人大三中全會開完為止。由於政府落實返宗教房屋政策，喺1984年將教堂產權畀返教會，經過2年維修之後，喺1986年12月7號恢復返正常宗教，由吳德莘神父主持教務。
2018年2月2號畀施工隊開推土車拆咗。
外觀
[編輯]教堂大門上高係彎成拱形嘅鐵枝，上書「天主堂」3個字。洋樓高20幾米，窗房同門口都係長方形，窗鑲咗藍色玻璃，極具神秘感，係教堂原特色之一。