寶生銀行解款車械劫案

寶生銀行解款車械劫案1984年1月31號喺香港中環開始發生，喺寶生銀行中環分行外一架解款車被持械行劫，匪徒最初逃脫，後來被警察起返所有贓款；其後喺2月5號，由特別任務連圍攻位於大坑浣紗花園嘅賊竇，最終成功拉咗4名匪徒。事件中，兩名特別任務連人員同一名匪徒受傷。

案發經過

1984年1月31號上晝11點幾，一架停泊喺寶生銀行中環分行德輔道中門外嘅解款車被4名匪徒持械行劫，被劫去日本靜岡銀行香港分行準備存入寶生銀行嘅1億4千萬日元紙幣（折合時價逾470萬港元）嘅解款箱同一枝鳥槍。匪徒隨即喺干諾道中截停一架平治房車，並駛去北角方向逃離現場。

警務處隨即派出警車追截，但係一度失去其蹤影。由於疑犯喺香港無案底，因此失措喺砲台山道公園裏面棄車走佬，因此所劫款項都留喺車內。兩個幾鐘之後，警察喺砲台山道發現賊車同全數之前被劫嘅款項；一名警務人員喺北角大坑道一處停車場發現5名匪徒，同匪徒爆發鎗戰，匪徒再截停一架寶馬私家車，並向山頂方向逃離現場。賊車喺駛經電氣道、興發街、砲台山道同浣紗街期間，匪徒喺街頭同警察鎗戰逾60響，當中疑犯流彈擊斃一名20歲少女行人同鎗傷另外兩名途人。

基於案情嚴重，皇家香港警務處懸賞50,000港元，希望將所有匪徒緝拿歸案。

5名匪徒由於冇受傷，亦無隨身攜帶所劫贓款，因此順利混入人群，並且通過喺北角嘅警察封鎖線，喺北角渡輪碼頭分頭走，不過搭咗同一班天星小輪過維多利亞港前往預先喺觀塘準備嘅一座廢氣廠房匿埋。

攻堅行動

1984年2月5號，時值大年初四，警察鎖定位於大坑浣紗街嘅浣紗花園其中一個單位為匪徒嘅賊竇。並掌握咗5名匪徒再次返回事先準備嘅呢個住處補充彈藥再次策謀搶劫作案。警察封鎖成條街，同時出動特別任務連70幾名餘警員圍攻賊竇。特別任務連先用炸藥炸開賊竇嘅鐵閘，施放兩枚煙霧彈後強行攻入，4名匪徒同特別任務連爆發槍戰，雙方駁火60響，匪徒一度嘗試奪門逃出走廊，喺重重深鎖之下無法突圍，最終被特別任務連拘捕。特別任務連喺單位裏面起獲9枝蘇製馬卡洛夫手槍同黑星曲尺手槍、11個彈匣、193發子彈，製毒工具同45公斤咖啡因。兩名特別任務連人員同1名匪徒受傷。

後續

5名被告譚志鵬、梁志遠、吳建東、何國翔同梁國棟，被最高法院原訟庭判處。全體特別任務連人員獲得警務處處長嘉許狀，當中3人獲得英女皇英勇金葉獎。

以寶生銀行解款車械劫案為題材嘅作品

• 《省港旗兵》
• 《執法群英2嘅重案行動》（香港電台電視部同香港警務處聯合製作）

睇埋

新聞

• 一哥舊拍檔 浣紗街槍戰成名，《明報》，2008年5月28日
• 浣紗街槍戰 駁火逾60響，《星島日報》，2008年5月28日

視頻

• 《執法群英Ⅱ》──重案行動