尋秦記

  想搵二〇〇一年播出無綫電視片集嘅話，請睇尋秦記 (電視劇)。

  想搵二〇二五年上畫嘅港產片嘅話，請睇尋秦記 (電影)。

  想搵第二個意思嘅話，請睇尋秦記 (搞清楚)。

尋秦記，香港長篇小說之一，作家黃易所寫。講軍人項少龍，隸屬特種部隊，坐時光機由現代返去戰國，目標去到秦國，因而叫尋秦記。敘事用第三人稱，中文歷史穿越時空小說鼻祖。首版廿二卷，頭卷一九九四年七月，尾卷一九九六年七月，由黃易出版社出版。其後有修訂珍藏版，整合六卷，刪除咗部分情節。作品將科幻元素融入武俠同歷史，影響同類文學同影視創作。

小說改編為其他作品，有好幾次。

• 二〇〇一年，香港無綫電視製作同名電視片集尋秦記，就至出名喇，由古天樂、林峯、宣萱等主演，一演就四十集，當年臺慶劇。
• 二〇〇六年，香港廖福成改編做同名漫畫尋秦記。
• 二〇一八年，中國大陸拍咗由陳翔、郭曉婷主演，同名網絡戲尋秦記。
• 二〇二五年，古天樂公司購入版權，集結香港電視片集原班人馬，拍攝同名電影尋秦記，二〇二五年大除夕上映。

故事大綱

某特種部隊精英軍人項少龍，奉命參與時光機器實驗，返到二千幾年前戰國，要去秦王嬴政登基嗰年。中途意外爆炸，送咗去登基前五年趙國，畀美蠶娘救起。佢知道自己所處時代之後，諗到靠自己歷史知識，搵做時做質子嬴政，協助佢登上王位，展開傳奇冒險。

憑特種部隊專業所長、現代知識，頻頻化險為夷。搵到質子嬴政，發現嬴政經已戰亂死咗，於是乎叫自己徒弟，受故人所托孤兒公子盤趙盤頂替，扶助趙盤時，逐步牽引歷史行進。趙盤無負所望，滅六國統一天下，建立咗個空前一統大帝國，並按項少龍當初所言，自稱始皇帝。

趙盤除去呂不韋、嫪毐等敵對勢力，獨掌秦國軍政大權後，唯恐身世畀人查出，就親自率軍追殺項少龍。最後趙盤發現生母妮夫人衣冠塚之後，念昔日師徒之情，對項少龍網開一面。為杜絕後世提及項少龍事蹟，趙盤聽從李斯建議，實行焚書坑儒。