對倒

出自維基百科,自由嘅百科全書
跳去導覽 跳去搵嘢

對倒》(法文Tête-bêche英文Head-To-Tail)係一部2018年香港獨立電影,由伍立德導演,甄思羽伍詠詩袁富華鄭瑩瑩何卓瑩主演,好多傳媒人同記者包括謝志峰黃大鈞黃守東麥振江(前警訊主持)、張惠萍文橋康友情演出。

故仔簡介[編輯]

一個身為資深報人嘅老豆(孫世凱,袁富華飾演),一個當差嘅仔(孫耀偉,甄思羽飾演),再加上一個參加示威抗爭嘅女(孫慧語,伍詠詩飾演),三個人面對香港社會撕裂,慢慢發覺已經身不由己。

演員[編輯]

演員 角色
袁富華 孫世凱
甄思羽 孫耀偉
伍詠詩 孫慧語
鄭瑩瑩 大學講師莎
何卓瑩 嘉儀(孫耀偉女友)
黃守東 社長葉家寶
謝志峰 記者東哥
張惠萍 Yvonne (記者/警員)
梁雍婷 Cherry
麥詠楠 Buber
黃大鈞 何教授
文橋康 學生領袖
區軒瑋 法律教授
麥振江 總警司

音樂[編輯]

  • 配樂:馮之行 & FFD
  • 主題曲音樂:《雨傘後》(首曲係黃家駒 1993年寫嘅)

濕碎嘢[編輯]

  • 呢套戲係喺2018年1月8號香港獨立電影節第一次放映。
  • 呢套戲係袁富華喺《樹大招風》,《拆彈專家》後另一表演作品。
  • 呢套戲係伍詠詩首套演出長片。
  • 呢套戲係梁雍婷第二套上映嘅長片,第一套係同鄧麗欣合作嘅《藍天白雲》。
  • 雖然甄思羽同何卓瑩咁多年來一齊喺亞洲電視做嘢,但係佢兩個係首次合作拍攝劇情片。
  • 何卓瑩同鄭瑩瑩二人喺TVB合作認識,並成為好友,但亦係首次喺同一套劇情片出現。
  • 麥振江喺戲入面飾演總警司,佢本人係電視台時事組編導(退咗休),做過警訊主持,係任期最長嘅一位(1979年至1994年),所以以往有觀眾以為佢係警務人員。麥振江讀過無綫電視藝員訓練班,而家係藝進同學會核心成員。