小孩不笨
| 小孩不笨 I Not Stupid | |
|---|---|
| 資料明細 | |
| 導演 | 梁智強 |
| 監製 | 梁家豪 |
| 製片 | 陳璧嬌 謝素艷 |
| 編劇 | 梁智強 |
| 主演 | 梁智强 向雲 劉謙益 陳美廩 黄柏儒 李創銳 洪賜健 陳雪兒 |
| 攝影 | 林國華 |
| 剪輯 | 楊耀宗 |
| 製片商 | 新傳媒星霖電影 |
| 片長 | 105分鐘 |
| 產地 |  星加坡 |
| 話 | 華語、英語、星加坡福建話 |
| 上畫同發行 | |
| 上畫日期 | 星加坡：2002年2月9號 |
| 前集同續集 | |
| 續集 | 小孩不笨2 |
《小孩不笨》（英文：I Not Stupid）係一部2002年嘅星加坡電影，由星加坡電影人梁智強自編、自導、自演。
劇情簡介
[編輯]三個讀書成績都唔好嘅小學生劉國彬、洪文福、Terry喺被編入EM3呢種「後段班」之後，小小嘅心靈先至逐漸感受到殘酷嘅現實社會對小學生亦冇優待。老師睇唔起佢哋、俾其他同學嘅輕視同埋父母嘅期望都令到佢哋非常苦悶，三個人喺一齊之後成為咗最好嘅朋友。國彬嘅媽媽畀佢好大壓力，因為劉媽媽深受到自己冇文憑喺工作唔能夠有晉升機會，唔希望個仔第時都好似佢噉，因此對國彬進行嚴厲嘅管教，國彬好有畫畫天份，但係國彬媽媽一啲都唔重視。文福嘅媽媽因為老公坐監，一個人努力支撐家庭而冇時間去管教佢，採取嘅係放任自流嘅態度。但係好勝嘅文福俾喺就讀EM1嘅表哥刺激之後激起自尊心，發誓一定要證明自己嘅能力。Terry喺有錢人家度出世，做事冇主見，所有嘢都聽晒阿媽話，過嘅生活亦係一團糟。佢哋嘅父母亦有一堆事情，國彬嘅爸爸喺廣告公司一直得唔到認同，因為老闆同客戶都相信外聘人才，唔信本土人。Terry嘅爸爸因為競爭對手嘅緊逼而生意日漸下滑，搵到廣告公司嘅創意亦冇乜效用。新嚟嘅女老師並唔歧視EM3嘅同學，鼓勵佢哋要努力，發揮特長。喺老師嘅鼓勵之下，三個學生都有唔同嘅進步。但係國彬嘅成績依然並冇太大嘅起色，喺電視睇到有細路因為成績唔好而自殺嘅消息，因而自己都有自殺嘅念頭。後嚟因為警察攔阻先至救返一命，父母亦覺得搞成噉都好無奈。Terry俾佢爸爸以前嘅員工綁架，文福為咗救佢亦俾歹徒一齊綁走。逃脫嘅國彬倚靠自己嘅畫畫專長將犯人嘅樣貌逼真畫咗出嚟，對於營救佢哋起到關鍵作用，Terry同文福最後成功逃走出嚟。國彬嘅媽媽由於患病需要換骨髓，喺老師嘅號之召下，所有同學同家屬都一齊驗血希望搵到合適嘅骨髓。最終Terry嘅骨髓符合要求，但係佢嘅父母反對，但喺佢嘅堅持之下終於做咗骨髓移植手術。國彬嘅爸爸為咗答謝佢哋，專登為Terry爸爸生產嘅肉乾做咗全新創意嘅凘告，亦令到佢哋嘅生意渡過難關。經過一系列嘅事情，文福嘅成績有咗顯著嘅進步，Terry亦終於學識自己獨立思考，而國彬因為畫畫方面嘅天份將會到美國深造。
演員表
[編輯]| 演員 | 角色 | 備註 |
| 梁智強 | 劉先生 | 廣告公司製作人，劉國彬爸爸 |
| 向雲 | 劉太 | 劉國彬媽媽 |
| 劉謙益 | 邱先生 | 肉乾公司老闆 |
| 陳美稟 | 邱太 | Terry媽媽 |
| 黃柏儒 | 邱達利（Terry） | EM3學生 |
| 洪賜健 | 洪文福 | EM3學生 |
| 李創銳 | 劉國彬 | EM3學生 |
| 陳雪兒 | 邱欣蓮 | Terry嘅家姐 |
| 溫淑如 | 李素貞 | |
| 鄭咸斌 | 洪忠明 | |
| 林桂葉 | 忠明媽媽 | |
| 王翠瑩 | 文福媽媽 | |
| 王舒儀 | 林老師 | |
| 王慧瑩 | 朱老師 | |
| 徐冰 | 華文老師 | |
| 潘皇升 | 校長 | |
| Harlow Russell | John | |
| 黃定賢 | 康先生 | |
| 鄭世童 | 中國經理 | |
| 梁榮耀 | Ben | |
| 李國煌 | 綁匪 | |
| 莫小玲 | 訓導主任 | |
| 王振復 | 台灣同事 | |
| 鍾耀南 | 警探 |