小稱喺語言學裏便指一種語法、語用範疇，用來表示同類嘢之中細啲嘅，進而表達喜愛、親暱、輕蔑、嫌惡等等感情色彩[1][2]。啲漢語裏便表達小稱有諸多手段，有詞綴式（譬如「屋仔」，「牛兒」[2]）、詞尾式（譬如「車」[2]）、音變式（變調、變韻）、變調式（即小稱變調）等。
西班牙文[編輯]
喺西班牙文入面，小稱可以用來講一啲小動物，例如貓係gato/gata，貓仔貓女就係gatito/gatita。另外，用係形容詞上面，可以減低一啲貶義詞嘅冒犯性，例如話一個人肥最好就用gordito/gordita，而唔係gordo/gorda，類似英文入面fat同chubby嘅分別。
- ↑ 趙, 冬梅 (2002). "關於小稱的基本認識". 《語文學刊》 (2002:2).
- ↑ 2.0 2.1 2.2 邵, 慧君 (2005). "廣東茂名粵語小稱總論". 《方言》 (2005:4): 337–341.
