就係媒體
 | |
| 類型 | 私人股份有限公司 |
|---|---|
| 開檔 | 2018年1月9號 |
| 創辦人 | 龍景昌 黃寶玉（筆名「三三」） 黃炳培（藝名「又一山人」） |
| 總部地址 |  香港中環永吉街11號永亨保險大廈21樓C室 |
| 緊要人物 | 龍景昌（總編輯） |
| 產業 | 季刊出版 |
| 網址 | beinghongkong |
就係媒體有限公司，簡稱就係媒體（粵拼：zau6 hai6 mui4 tai2；英文：Being Media Limited）係一間喺2018年成立，總部設喺香港嘅傳媒企業。主要從事季刊《就係香港》出版，由《香港01》前總編輯龍景昌、前執行總編輯黃寶玉同埋《明報周刊》前創意總監黃炳培成立。
背景[編輯]
龍景昌之前係《香港01》嘅總編輯，由頭一手一腳開辦《香港01》，創刊做到2018年3月先走，連同黃寶玉同埋黃炳培全部都喺《明報周刊》做過，之後三個一齊過檔搞《就係媒體》。
由於龍景昌同香港01老細于品海好熟，仍然係南海控股、南海旗下《大地傳播》、《多維傳媒》，《香港01》、《香港零一媒體》嘅董事。而于品海係南海控股嘅主要股東同董事會主席。佢專登澄清話于品海、《香港01》同《就係媒體》無關係，係獨立營運[1]。
龍景昌任內爭議[編輯]
龍景昌任內嘅《香港01》涉及過唔少同政治立場同編採自主有關嘅紛爭。
刪改六四事件解密檔案報道[編輯]
《香港01》喺2017年12月曾經發表一篇關於六四事件嘅文章，引述英國駐華大使館嘅解密資料，但原文發出後被撤換，略過咗好多原文嘅細節，亦刪減咗好多對解放軍士兵入城時嘅具體情況描述[2]。
被修改嘅內容包括：
- 描述中國解放軍27軍喺天安門清場嘅時候，刪咗士兵向學生、平民同冇武器嘅士兵發動「無差別攻擊」嘅字眼[2]。
- 無武器嘅士兵同學生被到達現場嘅軍車「射殺」，修改後變成佢哋「中槍」[2]。
- 引述英方報告指裝甲車多次輾過屍體將佢哋壓成「餡餅」，附有英文原文，但呢啲文字同英文原文後來被刪去[2]。
龍景昌接受《眾新聞》訪問時回應，被刪去係因為報道方式問題[2]。
參考[編輯]
出面網頁[編輯]
