屯門社區網絡

屯門社區網絡，簡稱屯網，係香港本土派地區組織，2016年由一班屯門區居民創辦，主要打屯門區地區議題，2021年解散。

史

2019年第6屆香港區議會選舉，屯網派出5人參選，包括召集人黃丹晴（山景）、潘智鍵（翠興）、羅焯勇（景興）、曾振興（興澤）同埋發言人王德源（良景），佢哋都揀咗以樓齡較大嘅公共屋邨為主嘅選區出選，佢哋並且同其他响呢屆喺屯門參選嘅素人（包括張可森、巫堃泰、李家偉、曾錦榮、梁灝文同埋張贊華）組成「屯門十一素人」團隊。結果，屯網五位候選人除咗景興選區嘅羅焯勇之外，其餘都成功鍊贏對手當選。

2020年3月28號，本身係屯結新墟成員嘅張可森加盟屯網，屯網嘅區議員一下子多到5位。

2021年5月11號，因參加2020年泛民主派35+初選而還柙嘅張可森向民政事務總署署長謝小華遞信劈炮，辭任屯門區議員一職，同時亦都退出屯網。同年7月，曾振興劈炮，移居英國。

2021年10月5號，潘智鍵同埋王德源响社交平台宣布杯葛2021年香港區議員宣誓。同月7號，屯網透過Facebook專頁發表解散聲明，認為目前香港已經冇晒可以畀非建制派繼續堅持初衷嘅能力同埋空間，宣佈解散，並且遣散所有成員，佢哋嘅區議會議席亦隨住黃丹晴退出屯網而清零。