劈炮
 |
劈炮（pek3 paau3）／擗炮（pek6 paau3），又叫辭職（ci4 zik1）、辭工（ci4 gung1）、唔撈（m4 lou1）、炒老闆魷魚（caau2 lou5 sai3 jau4 jyu4*2），係打工仔自己主動唔做份工，同波士遞信。辭職比求職見工容易，因為走唔走由自己話事。根據一般打工合約，僱員辭職通常都要補錢畀對方或者預早一段時間通知。
員工喺走人之前，要先同接手嘅人講清楚佢有啲咩仲未搞掂，之後同人事部門還返公司入面啲嘢（例如胸卡、門禁卡、公司鎖匙、公務車等）。一搞掂咗離職手續，就會即刻冇嗮員工福利，而人工就喺出埋（通常都係下個月）之後就唔會再出，頂住檔嘅係收代通知金、退休金、強積金呢啲。
喺政治職位（尤其係政府首長或者官員），辭職會叫做落台或者下台。
原因[編輯]
- 按公司或政府嘅法規，一到咗咁上下年紀嘅就要強制退休。
- 私人理由喺申請通過咗之後就可以提早退休。
- 私人理由喺申請通過咗之後就可以離職。不過佢有好多種理由（睇人而定）：
- 俾人要求炒魷嘅。
- 問責制
- 合約期滿。
- 移民國外
- 喺民意同政黨施加壓力嘅情況下冇得揀而俾人迫落台嘅。