炒魷魚

出自維基百科,自由嘅百科全書

炒魷魚粵拼caau2 jau4 jyu4*2)或炒魷(魷字有陰上變調,caau2 jau4*2),又叫革扯革職,係屬於「永久退出勞務」或「停止合同」嘅是但一種,佢係由老細或用人單位方面主動提出嚟嘅要求。相反,如果由打工仔主動提出嘅話,就係「辭職」。

典故[編輯]

話說舊時打工包食宿,打工仔都會將被鋪放喺打工地方。當老細叫打工仔唔使再做,打工仔就要執包袱,捲埋被鋪走人。皆因捲埋嘅被鋪就似魷魚片咁捲曲,所以就叫「炒魷魚」。

另外,過年前「炒魷魚」又會叫做「無情雞」,話說響年底尾禡公司食飯,上碟嗰陣,雞頭指住邊個,即係暗示炒邊個;另一講法就係老世親自夾件雞畀邊個,即係暗示炒邊個。

理由[編輯]

有啲地區嘅法律規定話唔可以冇理由炒魷,而炒魷嘅理由可以係:

  • 因工作失誤,搞到公司損失。
  • 成日遲到或早退。
  • 唔夠工作能力,成日俾老細話蝕底嘅。
  • 公司轉行,入面冇其它唔啱𠼻嘅空位響度。
  • 個人喺單位入面冇乜誠信噉(成日阨人,做滾友嘅)
  • 單位入面有多咗出嚟嘅成員

「炒魷」同「辭職」嘅對比[編輯]

按勞務合約條款或當地《勞動法》:

  • 「炒魷」:由僱主按比例畀代通知金去僱員度。
    如估係補返求先僱員冇咗呢份人工嘅,重可以嗌成「賠錢」。
  • 單合約嘅打工仔喺未行嗮完整合約期而走咗佬嘅,嗰啲就係違約金
  • 部分公司係諗住裁員嗰陣,識得用各種手段嚟強迫員工「自願辭職」嚟避開違約金。

睇埋[編輯]