岑村機場

出自維基百科,自由嘅百科全書
跳去: 定向搵嘢

岑村機場粵拼sam4 cyun1 gei1 coeng4)係中國廣東廣州一機場,民國卅四年(1945年)初由日軍強霸民田而起,位置喺天河區岑村嘅岑村新南街一帶。家下佢凈限軍事同警務用途,平時唔對外開放。

[編輯]

間嘢喺民國卅四年(1945年)初,由日軍強霸民間耕作用地而起[1]。日軍主要整呢間機場嘅目的係保護嗰時嘅天河機場,加上要整蠱兼引走盟軍。日軍喺保護天河機場嗰時,試過用木同鋅鐵合金嚟整咗同外觀差唔多樣嘅堅飛機噉嘅流飛機,等流嘢俾盟軍猛咁炸。

1945年8月15號,因日軍投降,機場亦交畀國民政府空軍嚟用住。1949年10月14號之後畀咗廣州軍區,隨後轉畀廣州空軍嚟做軍用訓練用途。香港部隊航空兵曾經喺1997年試過攞岑村機場做直升機駐防用途。2002年8月28號因廣東省公安廳警務飛行隊成立[2],機場亦變成直升機訓練基地[3]

2003年8月1號,廣州軍區空軍部、廣州市委宣傳部、廣州電視台中國中央電視台一齊整嘅《我愛祖國的藍天——中國空軍女飛行員慶「八一」聯歡演唱會》試過喺呢間機場入面辦過[4]。座落喺湖南益陽嘅花鼓戲藝術團試過喺2010年12月21號晚黑,喺呢間機場嘅大禮堂搞過文藝匯演[5]

2013年6月22號,廣州國際金融城喺舊時珠江紙廠嚿地皮[註 1]正式開搞[6]。因爲開搞時,機場重未搬走而影響佢哋嘅軍機航線升降,令金融城地皮一度限制喺120m嘅高度以內[7]。雖然廣州市發改委都有提過呢間機場嘅搬遷方案,但因為工作關係比較複雜同協調難度大而一直冇嗮下文。

註同攷[編輯]

  1. 珠江紙廠嚿地皮嘅地理位置喺而家科韻路以東;黃埔大道中以南;車陂路以西;臨江大道以北嘅位。
  1. "广州各地各时期飞机场建设". 南方网 (用中文寫). (原先內容喺2006-02-19歸檔). 喺2011-07-04搵到. 
  2. "中国警用航空事业的试验田--广东省公安厅警务飞行队警用直升机的使用". 中国民用航空网 (用中文寫). 2009-11-20. (原先內容喺2013-01-01歸檔). 喺2011-07-04搵到. 
  3. "鹰击长空,情动故园". 平安南粤 (用中文寫). 喺2011-07-04搵到. 
  4. 文/陈明辉、侯慧梅 摄/魏辉 (2003-08-03). "空军女飞行员深情庆"八一"(组图)". 羊城晚报 (用中文寫). 喺2011-07-04搵到. 
  5. 广东技术师范学院教育技术与传播学院团总支大学生志愿者协会 (2010-12-24). "我院志愿者观看广州空军岑村95171部队慰问演出". 广东技术师范学院教育技术与传播学院 (用中文寫). (原先內容喺2012-11-29歸檔). 喺2012-01-27搵到. 
  6. "广州国际金融城开建:将广州国际金融城建成立足华南辐射亚太面向世界的金融总部集聚区". 廣州日報. 廣東外語外貿大學. 2013-06-22. 
  7. "广州国际金融城起步区限高120米 超高大楼都叫停". 搜狐. 2016-12-22.