岳飛

出自維基百科,自由嘅百科全書
岳飛人像畫

岳飛1103年3月24號1142年1月27號;生於崇寧二年二月十五[1]),字鵬舉趙宋名將。河北(指黃河以北,而非家下河南河北省界,下同)相州湯陰(今河南安陽市湯陰縣永和鄉孝悌里人。佢出名同北方女真人嘅金國打仗,保衞趙宋。佢後尾同皇帝宋高宗不和,最後畀人收監處死。

生平[編輯]

岳飛係喺家鄉河南生活,後尾走去參軍打仗。當時趙宋畀金人趕落江南,岳飛曾經參與其中唔少戰事。

1129年岳飛打敗咗金人,收復咗建康(今日江蘇南京),迫到金人向北撤退。之後岳飛升咗官,重擁有一支萬幾人嘅部隊,叫做「岳家軍」。岳飛所帶領嘅岳家軍,曾經剷平咗江南一帶班土匪。後來佢又打金人,收復咗襄陽、信陽等六個郡。

1140年岳飛喺郾城打勝仗,並乘勝追擊朱仙鎮,諗住可以收復成個河南。點知呢個時候宋高宗趙構突然想同金人求和,就發十二道金牌,命令岳飛班師。

岳飛返到去,就畀宋高宗、秦檜以「莫須有」罪名處死咗,享年39歲。

南宋淳熙六年(1169年),宋孝宗趙昚為佢平反昭雪,追加謚號叫做武穆,南宋嘉定四年(1211年),宋寧宗趙擴追封佢做鄂王;南宋寶慶元年(1225年),宋理宗趙昀改岳飛謚號做忠武。故後人又叫佢做岳武穆岳王

[編輯]

  1. 飞家谱:早婚典范16岁结婚17岁生子. 原著喺2009年4月29號歸檔. 喺2010年10月15號搵到.

睇埋[編輯]