崇明區

崇明區（粵拼：sung4 ming4 keoi1）而家係上海市下屬嘅一個區，由崇明島嘅絕大部份同埋長興島、橫沙島等離島組成，響正長江嘅入海口度，，總面積1,411平方公里。崇明島就係全世界上最大個河口沖積成島，又係中華人民共和國嘅第三大島。

大概響公元618年（大唐武德元年），長江口外海度開始突出兩嚿沙洲（嗰陣時長江口又遠過現時好多），收尾到咗明末清初，形成咗一個完整嘅崇明島。最先有人上島定居喺公元696年（大唐萬歲通天元年）。到公元705年（大唐神龍元年），響個西沙島度設咗鎮，起咗個名叫「崇明」（「崇」即係「高」，「明」取自「清明」，意思係高出水面又平淨寬闊嘅一舊土地）。收尾經歷無數次行政更替，直到1958年12月1號由江蘇併入上海，成為上海嘅直轄縣。2016年7月22號，崇明縣改叫崇明區。

成個縣人口有70.1萬（2005年底），加埋外來人口8.3萬。主要以農工業帶動經濟，2005年個年產值係95.7億元。島上而家正響度發展緊旅遊業，以面向生態休閒業為主。

崇明東灘沼澤自然保護區係經過咗濕地國際確認嘅重要濕地。

行政區域

崇明縣下有13個鎮同3個鄉：

• 鎮有：城桥镇、堡镇、庙镇、中兴镇、新河镇、三星镇、向化镇、绿化镇、建设镇、陈家镇、竖新镇、港西镇、港沿镇
• 鄉有：新村乡、横沙乡、长兴乡

連出去

• 崇明縣政府 （中文） （英文）
• 崇明旅游 （英文）