崔昌益

崔昌益喺1948年嘅樣

崔昌益（諺文：최창익，1896年—1957年12月），係一位韓國嘅社運人士同埋社會主義支持者。佢曾經喺朝鮮日治時期期間要求朝鮮半島脫離大日本帝國嘅統治嚟獨立建國，亦喺北韓成立之後做過高職位。

生平

崔昌益喺1896年喺咸鏡北道穩城郡出世。佢喺早年曾經喺日本嘅早稻田大學度留學同畢業。到1936年，佢流亡咗去中國大陸，係屬於金枓奉嘅派系。到1946年，佢返咗去平壤創辦朝鮮新民黨，亦係黨嘅副主席。同一年9月，個黨同北朝鮮勞動黨合併，佢成為咗新黨嘅政治委員會中央常任委員長。

到1948年9月，佢做咗北韓嘅第一任商業部主席；佢之後喺1952年做國家副總理、1954年再做商業部主席、1955年做北韓嘅安全部長。到1956年，佢因為反對金日成嘅個人崇拜而畀人拉咗，之後曾經放返過，不過到12月又再拉過，佢最終喺1957年喺監獄過身。