崔與之

崔與之（1158年—1239年），字正子，號菊坡，係南宋名臣，亦係嶺南第一個學術流派「菊坡學派」嘅奠基人同埋「粵詞鼻祖」。

生平

崔與之響廣東增城崔屋村度出世。南宋紹熙四年（1193年）考中進士，做過好多地方官職，內政聲譽甚佳。佢響嘉定七年（1214年）代理揚州軍政，組建「萬馬社」保護鄉里，致使金兵唔夠膽入侵揚州。嘉定十三年（1220年），金兵入侵四川，崔與之被調任成都，響四川嗰度，成功保衞一方嘅平安，唔單只贏得軍民嘅贊譽，重頗受金國嘅將士所敬畏。隨住佢因病離任，而繼任者一改其施行嘅方略亂以他法，導致金兵乘虛侵人川境，崔與之扶病復職視事，金兵聞訊懾於佢聲望而自行撤軍。

後尾崔與之任廣東經略安撫使，嗰時，廣東發生兵變，叛軍圍困廣州攻城，崔與之上城墻安撫亂兵，由於佢德望具尊，嘩變嘅軍士服佢恩威而紛紛下跪棄械，兵變即告平定，跟住佢俾任為右丞相，一再堅辭，翌年五月退休。佢從政十年左右，以「無以財貨殺子孫，無以政事殺民，無以學術殺天下後世」嘅名句自警，從而成為宋朝嘅一代名臣。