嶂上營地
嶂上營地，香港營地之一，專畀露營，喺嶂上，深山高原之中，英文叫Cheung Sheung Campsite。屬西貢西郊野公園，行政上歸大埔區。營地屬小型，營位少過二十。水源取自溪澗，季節性水源。歸漁農及自然護理署管[1]。附近有間士多，只開假日。
經嶂上行山徑，非常之多。署方訂咗兩條，一條麥理浩徑，另一條嶂上郊遊徑[2]。麥理浩徑第三段行山脊，由牛耳石山、岩頭山，過嶂上，屈南而走畫眉山、雞公山。而嶂上郊遊徑就由海下路到榕樹澳。另有一啲山徑，好似北潭路高塘，行上嶂上，步程會短一啲。
舊時嶂上條村好多人，好多人耕田，後尾啲搬走，有啲田地開做營地。