工作暑熱警告（英文：Heat Stress at Work Warning）係香港暑熱指數高嗰陣（30或以上），由香港勞工處發出嘅警告信號，幫僱主為喺酷熱天氣下做嘢嘅僱員制定預防中暑嘅措施。警告分黃色、紅色、黑色三隻色，分別代表工作環境嘅熱壓力頗高（暑熱指數30到<32）、甚高（暑熱指數32到<34）同極高（暑熱指數>=34），會由香港天文台協助製作同傳送警告。不過勞工處嘅要求只係指引，係無法律效力嘅，就算僱主唔跟都唔算違法。
