左垣家塾

左垣家塾 式穀堂
主祀	梁左垣公（十五世祖）
家族信息
家族	鳳浦梁氏
起源	番禺北亭
修建史
始建	清朝嘉慶
方位
地址	廣州市海珠區黃埔村榮西里7號
朝向	坐東向西
現時尚存 經已掛牌
登錄名	黃埔古港遺蹟和黃埔村早期建築
等級	廣州市文物保護單位
分類	其他
籌	6-63
登錄時間	2002年7月

左垣家塾，堂號式穀，係天寶行梁經國嘅房系祠堂兼家族嘅攴攴齋，即係家塾，喺廣州黃埔村榮西里7號，係清朝嘉慶年間起嘅磚、木、石結構建築。家塾坐東向西，三間兩進，有大院同「寶田裕後」牌坊。建築總面闊12.32米，總進深23.7米，佔地291.98平方米。

建築

大門門廊闊4.9米，深1.5米，有三級石梯。花崗石板高到門額包門框，門額道有「左垣家塾」四隻楷體字。兩翼青磚石腳，石刻花飾。頭一進用紅方磚鋪地，院裡邊嘅天井係用花崗石條板。

門廳深3米，後檐柱係方石柱，花籃石柱礎。屏門柱係園木柱，花籃石柱礎。

庭院深8.9米，棟個「寶田裕後」牌坊。

牌坊用花崗石柱，花籃石柱礎，高7.8米。中門阔3.3米，總闊10米。博古紋直脊，兩級琉璃瓦頂。有荷花拱日紋飾，額上邊有「寶田裕後」四隻隸書字。中門两面抱鼓石。

正廳前廊深2.2米，正廳深7.5米。硬山頂，灰塑博古紋襯正直脊，前後鑊耳封火山牆。碌灰筒瓦，琉璃瓦當滴水剪邊，樑架、步樑同柱頭樑出頭，樑架同駝峰雕花。四邊青磚石腳牆體。四級石梯，方石柱，架方石樑，福字石駝峰。硬山頂，鑊耳封火牆，山牆外牆頭有灰塑，金柱係圓木柱，花籃石柱礎。