希遜格雷斯
希遜‧格雷斯（Rickson Gracie[1]，1959年11月21號—）係巴西武術家兼混合格鬥家。佢係巴西柔術黑帶7段[2]，又係格雷斯家族（Gracie family）成員，Hélio Gracie個仔。
希遜‧格雷斯可以話係柔術界嘅傳奇人物，佢總共打過大大話話成四百幾場比賽，包括柔術比賽、街頭博擊、混合格鬥，一場都未輸過。佢唔單止令格雷斯家族聲名大噪，重令全世界興起一般巴西柔術熱。
不敗之謎
[編輯]無錯格雷斯的確贏過好多場比賽，但佢喺混合格鬥嘅官方紀錄係十一勝零和零負，同連贏四百場嘅紀錄好大出入，所以引起對佢不敗嘅質疑，其實，佢四百場不敗紀錄，除咗嚟自混合格鬥，重包括柔術、自由式摔角、桑搏、街頭博擊，佢亦係兩屆巴西自由式摔角冠軍，又係贏過桑搏金牌，重係世界柔術中重量級同無差別級冠軍[3]。
但係呢啲戰績冇計到佢喺一啲獨立組織比賽結果，係咪真係未輸過咁勁？佢老豆Hélio Gracie就咁回應：「如果要全部計晒，咁格雷斯唔止四百場不敗，計到佢一百萬場不敗都得！」
唔理格雷斯係咪真係不敗，定還是可能輸過一兩場都好，四百幾場勝仗已經足夠証明佢夠晒勁揪。