廣州市第八人民醫院

出自維基百科,自由嘅百科全書
Jump to navigation Jump to search
廣州市第八人民醫院(東風院區門口)

廣州市第八人民醫院粵拼gwong2 zau1 si5 dai6 baat3 jan4 man4 ji1 jyun2)係中國廣東省廣州市嘅一間專門負責醫傳染病同肝病嘅市級醫院,同時重係華南地區最大嘅傳染病專科醫院、中國國家肝病、愛滋病嘅臨床藥物試驗基地,衛生部愛滋病臨床醫師培訓基地;甚至係廣州醫科大學非直屬附屬醫院、中山大學、南方醫科大學、廣東藥學院等高等醫學院校嘅教學醫院、同時又係廣東省愛滋病診療品質控制中心。呢間醫院喺1921年成立,有2個院區。

兩個院區嘅詳細位置[編輯]

[編輯]

1921年11月,呢間醫院喺而家嘅小北地區嘅象崗頂度開辦,嗰時嗌「市立傳染病醫院」。1935年,又喺盤福路起咗間新院區,1936年1月1號改名做「市立隔離醫院」,但喺1945年10月1號就改返舊名。1949年,佢同嗰時嘅方便醫院合併咗。

喺1951年12月,廣州市政府接咗華英醫院之後將方便醫院等一系列醫院嘅傳染科加咗入嚟,組成廣州市立傳染病醫院。到咗1955年又改名做「廣州市傳染病醫院」,後嚟喺文革受到破四舊浪潮影響,1969年改名做「廣州市第八人民醫院」。雖然喺1973年又改名做「廣州市傳染病醫院」,但1994年8月又打回頭。

喺2002年8月醫院成立咗肝病醫院,喺2010年10月10號重喺嘉禾村搞咗間醫院。

出面網頁[編輯]