廣州市第二十一中學

出自維基百科,自由嘅百科全書
(由廣州市第廿一中學跳轉過來)
Jump to navigation Jump to search
廣州市第21中學
Guangzhou No.21 Middle School
GZ21MS.png
 志·嚴·勤·實
位置
天勝村16號[註 1]
明細
廣東省一級學校
校訓  志·嚴·勤·實
成立 1954年
停辦 2018年8月1號
校區 越秀區
級別 中學六年全日制
網站
正門(環市東路附近)
正式正門附近(天勝村入邊)

廣州市第21中學中國廣東廣州冇咗嘅全日制中學,1954年創辦,2018年8月1號同廣州市越秀外國語學校合併而消失,喺越秀區天勝村16號[註 1]

校徽[編輯]

呢間學校嘅校徽方面,佢係由廣州市嘅首拉丁字「G」搞出嘅跑道,係「發展運動軌跡同傳承前人智慧結晶嘅書」噉解。而阿拉伯數字「21」係「組成教化,助人嘅文明之火」噉解。同時重係一隻諗住擘開對翼嚟飛嘅雀仔噉解。成個撈稿係體現學校實行中國內地嘅教育方針,培養德智體等方面全面發展嘅社會主義事業接班人。

校服色[編輯]

曾經用過嘅學校校服(全系列)
短袖
  • 衫:        相間,有領有紐扣。領同袖口都係    帶些少        相間嘅邊(出面}    入面    );正面同反面    ,兩邊近膊頭位有    底色,水平中間位有條    線;兩袖純    。左右對稱
  • 褲:    ,兩邊帶中等厚度嘅    線,但    線同底色之間有條幼嘅    線。
長袖
  • 衫:        相間。領純    ,袖口    帶兩條    線。正面    帶兩個    直角三角形,背面同兩袖純    ,左右對稱。但左胸位同兩袖近手掌位都有「ERSHYZ」字樣。
  • 褲:純    ,近褲袋位有    嘅「ERSHYZ」字樣。
棉褸

        相間。領同袖口都係    ,正面都係上        ,兩色有鈍角V字嘅分界線,雖然正面近兩腎位有    嘅鈍角三角形,但反面冇。兩袖上        ,分界線係同斜線,喺近關節位;左右對稱。

[編輯]

呢間學校喺1954年9月開始創辦,嗰時重未有明顯嘅學校校界。喺啱啱開辦咗學校無耐,由呢間學校同市16中市17中成立咗三間聯合中共黨支部隸屬中共市文教機關學校嘅總部門。而學校就畀咗廣州市教育局嚟睺住。到咗1957年11月~1958年7月間,學校就改名做「廣州師範專科學校附屬中學」,結果佢就同執信中學一齊成立咗廣州市中等教育黨委。而學校就屬廣州師專科學校。後嚟先至同17中一齊搞咗聯合中共支部。嗰時學校重係蘇聯化嘅教育學模式,而「教學計劃」教學大綱、教科書同教學法都係學嗮蘇聯(而家係俄羅斯)嗰邊嘅。

而學校喺環市東路嘅天勝村嘅崗仔嗰度起。喺成立初期先至搞掂咗嗰時規劃嘅一期工程,而建築物凈係得10間到,最高嗰棟樓係磚木結構、蘇聯掛瓦,紅階磚計面嘅三層樓建築,而二期嘅建築起咗喺環市東路邊,但係由於種種原因先至冇起到。結果就搞出而家嘅學校範圍出嚟。

學校到咗1958年8月先至開始收高中生而成為一間完全中學,學校就畀咗廣東師範學院嚟睺住,嗰時學校嘅教育教學工作從「蘇聯化」行到「勞動化」。而學校喺1964年8月先至改返之前嗌嘅「廣州市第廿一中學」嘅名。後嚟過咗十幾年就變成廣州市嗰時名氣比較大嘅一間中學。雖然話嗰時主觀指導思想入面話糾正照搬蘇聯課程嘅偏差同大躍進時期嘅勞動化的偏差,但實際根部都冇實現突破歷史錯誤形成嘅所謂「蘇化」同「勞動化」嘅限定。

文化大革命時期,由於教育俾人當成四舊嚟睇,結果高等學校招生考試制度就取消嗮,結果學校猛咁搞「複課鬧革命」,而呢個現象直到1976年先至結束。而廣州市第廿一中學革命委員會喺1976年先至取消咗。而1977年秋,由於中國內地恢復返普高等學校招生考試,學校嘅課程同秩序先至恢復返正常教學水平一直到而家。

2018年5月25號,喺越秀區第16屆35次政府常務會議同12屆第18次區委常委會議研究兼決定,將呢間學校同廣州市越秀外國語學校合併兼改名做廣東實驗中學越秀學校,重委託畀廣東實驗中學睇實[1][2]

攞過嘅獎[編輯]

呢間學校攞過以下呢啲獎:

  • 全國教育科學「十五」規劃重點課題「四合一主體教學模式」實驗學校
  • 全國教育科學“十五”規劃課題“英語報刊閱讀教學新模式研究”實驗學校
  • 全國“心理健康教育研究與實驗”學校
  • 聯合國教科文組織環境人口與可持續發展(EPD)教育專案學校
  • 廣州市第一批心理健康教育示範學校

註同攷[編輯]

  1. 1.0 1.1 有啲地圖雜誌嘅路牌話佢喺環市東路250號,但係根據佢學校寫嘅門牌係天勝村16號。