Talk:廣州市第二十一中學

頁面內容唔支援其他語言。
出自維基百科，自由嘅百科全書

搬版建議[編輯]

「廣州市第二十一中學」係固定嘅名詞，官方都係噉叫嘅，何必另立名目？並且上網搵，Yahoo 又好、 Bing又好，都係用「廣州市第二十一中學」多，所以建議搬去廣州市第二十一中學 --广州阿沾 (傾偈) 2015年7月30號 (四) 02:11 (UTC)[回覆]

另外，同上理，廣州市第卅七中學、廣州市第卌七中學、廣州市第卌中學、廣州市第卌四中學、廣州市第廿六中學、廣州市第廿四中學都應該搬。 --广州阿沾 (傾偈) 2015年7月30號 (四) 02:17 (UTC)[回覆]

反對，粵語嘅二十、三十同四十都有通用字，叫嘅係廿、卅、卌。證明：[1][2]--WKDx417 (傾偈) 2015年8月8號 (六) 06:56 (UTC)[回覆]
噉人哋官方有冇用呢啲通用字？SC96 (傾偈) 2015年8月8號 (六) 13:47 (UTC)[回覆]
鄭重聲明：我當時將「二十、三十、四十」改成「廿、卅、卌」，純粹係1930~1980年代出世嘅廣州街坊口頭上係噉叫。至於其他情況下為改而改噉將個粵語用詞改成另一個地方嘅用詞，我係強烈反對嘅。相關案例睇TALK:中山快速公交運輸系統。--WKDx417 (傾偈) 2015年8月8號 (六) 22:14 (UTC)[回覆]
建議改名嘅理由
  • 一、爾間學校嘅官方用字係「二十一」，不如睇下人哋嘅官方網站 係點寫。既然洲頭咀單嘢，CRCHF（WKDx417前身） 可以影咁多張相證明個「咀」字，唔知今次又可唔可以去學校嗰道影個「廿」字畀我哋睇下呢？好期待咯。
  • 二、「廣州市第二十一中學」係固定嘅名詞，裡邊嘅「二十一」唔改得，就譬如話「那夜凌晨，我坐上了旺角開往大埔的紅VAN」爾個名，唔可以講成「嗰晚三更，我搭咗旺角開去大埔嘅紅VAN」噉。
  • 三、上面 WKDx417 開嘅證明唔充分，因為人人都知「二十一」係「廿一」，但係用喺「廣州市第二十一中學」就唔妥，因為呢個唔可以將夾硬將「二十一」拆開嚟睇，要結合「語境」。（講個次要嘅問題，爾啲證明嘅來源唔可靠。）
說明：要寫反對理由請唔好拆開以上呢段，要另開一段，特別提醒有呢種習慣嘅維基友。另外，請文章嘅開版人先回答上邊管理員SC96嘅提問，再答覆我，特別提醒。广州阿沾 (傾偈) 2015年8月8號 (六) 15:17 (UTC)[回覆]
祇能夠怪文革破四舊嗰時，啲紅衛兵千方百計想將粵語當成四舊論，甚至連個「廿」或「卅」字都要避開，一句「四舊」就將佢等打嗮入冷宮。--WKDx417 (傾偈) 2015年8月8號 (六) 22:24 (UTC)[回覆]
好笑嘅係，唔少新廣東同新香港人都覺得粵文維基百科好多餘兼無聊。可能由細到大，廣東話都喺廣東、廣西或香港嘅學校受到歧視。例如學校唔畀講粵語：同声同气祖孙俩竟变“鸡同鸭讲”广州小学禁说粤语 校长称在校园内必须讲普通话（關於粵語嘅一啲危險情況，可以睇深圳广东话水平大搜查--巴士司机《转》、张敬轩心痛：老祖宗留落嚟嘅广州话已经变得越嚟越奇怪！，有唔少觀點好地方，不過，唔少嘅事實係令人痛心嘅），要整個眞係用「粵文」嘅維基百科，唔同嘅觀點同用法都要收，要照顧到。--WKDx417 (傾偈) 2015年8月8號 (六) 22:55 (UTC)[回覆]
廣州人噉叫個咩？廣州人一般都話「廿一中」就算，一唔係就叫「廣州廿一中」，如果「廣州市第廿一中學」就唔三唔四。
題外話：
  • 至於你話廣東話響學校受歧視，我呢淨知廣東話喺廣州學校好地地，無事啊。我係雲桂村小學（後嚟改咗名）校友、南武中學校友，當年我響嗰道讀書嗰陣，同學個個都講廣州話嘅，就算係外省嘅老師，佢哋落堂都揸住本廣州話速成響道睇。爾個係我親眼所見，不過我就唔知廣州嘅大學係點，因為我大學係喺外省讀嘅。我諗粵語限制可能係越秀區嘅要求，執信南小學單嘢我都知，但我哋海珠區就無噉搞，睇下九十七中，啲老師上堂都用廣州話嘅
  • 至於你話有人覺得無聊，噉又關我哋咩事。我夠話媾女無聊咯，我夠話一鳩日打機玩手機無聊咯，我夠話搞科技整乜七飛機大炮無聊咯。由得佢哋，反正粵文維基一樣可以運轉落去，做乜要理嗰一兜二兜化閪？唔值得嘛。
至於話眞正用粵文，都要分情況，固定咗嘅名詞就係唔可以亂改，「廣州市第二十一中學」呢個名存在咗幾十年，就唔好喐佢啦。广州阿沾 (傾偈) 2015年8月9號 (日) 00:44 (UTC)[回覆]
多謝你講清楚。我建議一係用返「廣州市第二十一中學」，一係用返最簡嘅「廣州廿一中」算（推薦用呢個），「廣州廿一中」嘅名都可以（如果將簡就簡原則，學校啲文統一用返最簡嘅「廣州X中」嘅名）。少啲拗撬嘅話，直接改成「廣州市第21中學」就得。既然係噉，汽車客運站啲文我都幫佢改返名喇（因為廣州嘅汽車客運站啲名五花八門嘅，啲名唔係嗌「XX客運站」就係嗌「XX汽車站」，不如統一嗌「XX汽車客運站」算）。--WKDx417 (傾偈) 2015年8月9號 (日) 01:33 (UTC)[回覆]
「廣州廿一中」可以，但係要開「廣州市第二十一中學」做跳轉，並要響內容道加返官方叫法。但係噉一嚟，又變咗同其它無數字嘅學校名唔一致。一唔係用「廣州市第二十一中學」，開「廣州廿一中」做跳轉。你覺得邊種方案好啲？广州阿沾 (傾偈) 2015年8月15號 (六) 03:34 (UTC)[回覆]
既然噉嘅话，我建議不如直接將中文數字改成用阿拉伯數字喇，少啲拗撬就呢個方法。--WKDx417 (傾偈) 2015年8月15號 (六) 10:09 (UTC)[回覆]

解決[編輯]

既然中文數字方面出現咗唔同版本講法，為咗顧全大局，之前帶有數字嘅學校名改用阿拉伯數字。呢個方法既可以避開學校名用廿、卅、卌定二十、三十、四十嘅問題，又可以避開其它唔用數字嘅學校名搞餐鑊。PS：之前喺廣州嘅汽車客運站啲名已經搞咗場大龍鳳喇……--WKDx417 (傾偈) 2015年8月22號 (六) 08:09 (UTC)[回覆]

希望呢個解決方法只限喺廣州地方。千其唔好擴展到其他地方，例如：外國或香港嘅中學，拜託，拜託。--WikiCantona (傾偈) 2016年10月4號 (二) 14:51 (UTC)[回覆]
我唔認同呢個自己改阿拉伯數字或廿卅卌嘅做法。呢一間學校應該用「廣州市第二十一中學」做標題。佢哋自己就係噉寫。專有名詞唔應該作更改/翻譯。--Roy17 (傾偈) 2018年11月17號 (六) 13:35 (UTC)[回覆]

俾人改鬼咗個名[編輯]

8月2號。鄭熾欽又話：原广州市第21中学与广州市越秀外国语学校于2018年8月1日合并，已经更名为广东实验中学越秀学校。这是政府行为，不以个人意志为转移。原21中和秀外的校友，已经成为省实越秀的校友，这也是顺理成章的事，不因个别人的情绪而改变。因此，我希望各位校友，既要以21中校友为荣！也要以成为省实越秀校友为荣！我相信，过去21中以有您们这样热爱母校服务社会振兴中华的校友为荣！今后省实越秀也以有您们这样热爱母校服务社会振兴中华的校友为荣！

我建議嘅處理方法係，呢度只記錄前身21中嘅嘢。從此以後嘅寫喺省實越秀。--Roy17 (傾偈) 2018年11月17號 (六) 13:35 (UTC)[回覆]

呢件事多謝補充。因為前排發現點解會冇咗21中同越秀區外國語學校呢兩樣，後嚟上網耖過下，原嚟係政府喺今年5月25號決定嘅計劃。咪話呢間21中，連越秀外語都冇埋。（PS: 嗰時我喺北京出差，附近冇電腦或WiFi唔知有呢件事……）--PQ77wd (傾偈) 2018年11月18號 (日) 03:14 (UTC)[回覆]

標題重新討論[編輯]

近排發現有人搬咗篇嘢，呢次我開始將3年前啲事重新討論。因為今日發現有人搬咗版，講嘅係三年前我同阿沾提嘅標題啲事。我喺呢度嗌返阿沾出嚟同Roy17，以及其他人討論下。究竟喺「廣州市第XX中學」遇到20～49啲數，用邊個標題比較好？因為廣州地區早前有123間中學都有試過用數字做代碼，加上喺類:廣州嘅中學入面有至少40篇文都有「廣州市第XX中學」（當中包括三位數字冧巴嘅學校）。例如以下呢版先算：

決議 後續 優點 缺點
1 廣州市第21中學 可以解決二十、三十、四十同廿、卅、卌字嘅拗數問題，而且出面啲搜索引擎都可以搜到學校個名。 唔係官方名
2 廣州市第二十一中學 官方名 1. 會引起有啲人對二十、三十、四十同廿、卅、卌字嘅不滿
2. 遇到三位數字啲學校可能有啲麻煩，因為廣州地區入面，凡係帶數字編碼啲學校，官方未試過用「百」同「零」字。
3 廣州廿一中 可以解決二十、三十、四十同廿、卅、卌字嘅不滿問題 帶漢字命名嘅學校會出現標題使用混亂嘅情況

就以上睇下係邊個決議喇，以前USER:广州阿沾同我討論過噉嘅事兼決定用阿拉伯數字而繼續用。 --PQ77wd (傾偈) 2018年11月18號 (日) 03:31 (UTC)[回覆]

對外連結有變 (2021年12月)[編輯]

各位編輯仝人：

我啱啱救返廣州市第二十一中學上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2021年12月26號 (日) 04:46 (UTC)[回覆]

由「https://zh-yue.wikipedia.org/w/index.php?title=Talk:廣州市第二十一中學&oldid=1746452」收