廣州益壽醫院

廣州益壽醫院（粵拼：gwong2 zau1 jik1 sau3 ji1 jyun2）係中國廣東廣州一民辦醫院，1984年7月創辦，喺白雲區棠下益壽路68號（沙涌北村北邊條涌邊一帶）。佢亦係中國大陸第一間民辦股份制醫院^[1]。

間嘢成立初期租借咗白雲區棠下一帶啲村屋做院區樓房。1987年，院方自己出錢揀咗喺棠下村近涌邊一帶搞新院區直到1990年9月先至起好兼投入營運^[1]。不過喺2000年代初期，呢間醫院為咗大肆宣傳，成日喺電視賣廣告，聲明係「打工仔嘅醫院」、「無痛人流」、「做人流最好嘅婦科醫院」啲莆田系宣傳標語嚟招三搭四。