廣州賽馬場

出自維基百科,自由嘅百科全書
Jump to navigation Jump to search

 廣州賽馬場粵拼gwong2 zau1 coi3 maa5 coeng4 ,又寫廣州賽馬塲廣州賽馬埸[1],係中國廣東省廣州市嘅一間賽馬場,喺1993年1月3號起好,位置喺天河區珠江新城入面,黃埔大道西以南;馬場路以東;潭村路以西;花城大道以北嘅位。賽馬場曾經喺1993年1月8號到1999年12月12號辦過任何賽馬比賽。

規模[編輯]

  • 佔地面積:33公頃
    有4條跑道:
    內圈——練習道
    中內圈——沙地跑道,全長25×1485m。
    中外圈——草地跑道,全長32×1695m。
    外圈——救護車道。
  • 容納人數:40000人
  • 場地入面裝咗大型電子計分牌、跟蹤攝影裝置、終點掃描攝影裝置等。

喺場地關閉之前:

  • 員工3000人,騎師40人,馴馬員400幾人
    有喂馬、釘蹄、馴馬、馬醫等好多種分工
  • 競賽馬匹:1000幾
    其中純種馬澳洲空運過嚟,一個比賽日要出動成百幾匹馬。

[編輯]

風靡一時[編輯]

賽馬場喺1993年1月3號起好,1993年1月8號正式開幕。喺開辦初期,規模同上座率同香港沙田馬場差唔多,但排亞洲第二,因為嗰時每個禮拜二、四、日都有賽馬睇,而且分日頭賽同晚黑賽。入場門飛要10。喺嗰時除咗乒乓波籃球之外,其它體育運動要有設備同好多錢先至得,加上好少有人做喺文革期間話成資產階級嘅體育運動。有人提出係咪可以畀廣州搞賽馬運動嚟籌集福利資金,結果廣州成功辦咗一次賽馬,喺嗰時中國內地都未見過嘅。而廣州俾中央批准按香港賽馬方式做馬彩。喺賽馬開辦無耐,全廣州整咗百幾個同賽馬有關嘅投注站。1995年開咗電話賣飛,1997年開埋電視台嘅衛星直播。

賽馬場最葳蕤一次喺1994年,一場嘅投注額去到CNY¥1000幾萬,每個賽馬日都有成1~2萬人睇比賽。但到咗1996年,由於中共中央、廣東省同廣州市嘅人民政府猛咁出批文話唔畀有博彩性質嘅賽馬,但賽馬娛樂總公司嘅老細出嗮計仔,堅持重係搞博彩,先係將「投注博彩」改成「智力測試」,後嚟改成「門飛換實物獎」將帶有博彩性質嘅賽馬持續到1999年11月[2]1998年三江洪峰期間,馬會出過1000萬文做咗賑災慈善,創咗嗰時中國內地最多捐錢紀錄。[3]

正式停辦[編輯]

1999年11月,中共中央、廣東省同廣州市嘅人民政府開始頂唔順賽馬場一直死牛一邊頸喺度搞博彩性賽馬行為而勒令停止賽馬,原因係賽馬重未合法化,加上賽馬日期間因管理失敗而一直搞蝕本生意。到咗1999年12月12號,賽馬場跑完最後一次賽馬之後正式關閉,從1999年12月14號開始一直見唔到任何賽馬比賽舉行。

從1993年1月8號到1999年12月12號期間,廣州馬會一共辦咗757場次賽馬。

停辦之後[編輯]

廣州賽馬停辦之後,由於賽馬娛樂總公司嘅老細黃啟桓利用公款,同香港人梁×駒、梁×榮做貪污受賄行為,結果喺2001年2月23號入咗法院。喺嗰年5月11號開二審,決定將黃啟桓掟入監倉19年重收繳咗10萬文嘅財產[4]。喺嗰年嘅羊城晚報講:「賽馬總公司重喺成個廣東搞咗103個場外投注站而造成一系列嘅社會腐敗風氣。」[5]

從1999年底停辦之後一直到2007年,馬會差咗成12萬文嘅債務[6]

改成汽車城[編輯]

黃啟桓俾政府收監之後,2003年8月6號,廣州市政府宣佈對外出租21萬平方米嘅場地而改成汽車交易市場,嗰年12月13號變成三鷹汽車城。而規劃冇話將馬場入面嘅計分牌拆咗佢,而係做永久性紀念物[7]。而馬場汽車城最後喺2014年2月28號停業[8],同年4月1號全面撤出。

復辦傳聞[編輯]

1999年停辦賽馬後,廣州地區屬下嘅賽馬會一直到而家都未解散。其實佢哋等緊幾時恢復返賽馬,假設廣州可以重開賽馬,佢用8個月時間可以恢復返[9],但隨後一直未恢復。2007年4月18號,廣州地區有媒體報道話賽馬會重開嘅傳聞,但廣東體彩話未收到呢方面嘅消息[10]。2010年嘅兩會期間,廣州有政協委員都提過恢復廣州賽馬嘅講法[11],但一直冇聲氣。直到2016年1月26號,廣州市體育局召開咗一年一度嘅體育會議,話要除咗發展兼培養好本土嘅足球產業同打造廣州兩大球會(廣州恆大淘寶廣州富力)攞到重好嘅成績之外,重做好萬達體育香港賽馬會等體育企業服務工作同考慮喺2018年恢復賽馬[1]

有關[編輯]

睇埋[編輯]

[編輯]

  1. 1.0 1.1 "盛极一时到被迫转型!广州赛马场2018年风云再起". 新浪. 2016-02-05.
  2. "广州赛马或将重出江湖". 新快报. 金羊网. 2007-04-18. 喺2011-06-19搵到.
  3. "12年前突然叫停 广州重启赛马还有多少障碍?". 南方日报. 2011-07-07. 原著喺2013-11-08歸檔. 喺2011-08-31搵到.
  4. ""马王"一审判刑19年 黄启桓表示认罪不再上诉". 南方日报. 新浪网. 2001-05-12. 喺2011-06-19搵到.
  5. "风流大鳄腐败史--记原广州赛马会董事长黄启桓". 羊城晚报. 新浪网. 2001-02-08. 喺2011-06-19搵到.
  6. "广州赛马或将重出江湖". 金羊网. 新快报. 2007-04-18. 喺2011-06-19搵到.
  7. "赛马场记分牌还有人惦记着". 南方都市报. 新浪网. 2011-08-18. 喺2011-08-31搵到.
  8. "马场汽车城撤场在即 车商上演"最后的疯狂"". 南方都市报(深圳版). 網易财经. 2014-02-27. 喺2015-08-12搵到.
  9. "广州赛马会负责人:赛马会8年未解散 只因等待恢复时机". 新快报. 金羊网. 2007-04-20. 原著喺2007-05-23歸檔. 喺2011-06-19搵到.
  10. 广东体彩管理中心:“广州赛马重出江湖”报道失实(图) 網易 (2007-04-19)
  11. 让广州赛马重出江湖[失咗效嘅鏈] 羊城晚报A5版 (2010-01-28)

[編輯]