廣東暴雨警報信號

 廣東暴雨警報信號（粵拼：gwong2 dung1 bou6 jyu5 ging5 bou3 seon3 hou6） 係廣東省突發氣象災害一預警信號，亦係廣東省氣象廳當發現有大雨或暴雨影響廣東邊個城市或地區嗰陣，向市民發出嘅警告。

呢個警報系統同其他氣象警告完全獨立。若果廣東颱風警報信號或雷雨大風警報信號或冰雹警報信號等特別報告同時出現時，呢啲警報可同時生效。暴雨警報信號將透過廣東各電視台同電台做廣播，其中電視屏幕會喺節目播出期間出現顏色雨雲撈稿。佢嘅目的係及早提醒市民喺廣東邊個城市範圍住啲居民，去嗰邊玩或出差或比賽時，就嚟落大雨可能造成嚴重混亂，重確保各緊急服務機構同部門都已經準備好，隨時處理因暴雨可能造成嘅緊急事故。

而家暴雨警報分為黃、橙、紅三種。喺深圳用嘅係地方性信號。

史

廣東省人民政府喺2000年9月18號舉辦嘅第九屆51次常務會議正式通過實施暴雨警報信號，重喺2000年11月1號正式生效。嗰時實施第一版嘅暴雨警報，連撈稿都學香港天文台，用嘅係黃、紅、黑三種，不過呢種方案直到2006年5月31號深夜正式廢除。從2006年6月1號開始，為咗同國際接軌，廣東省氣象廳開始實施咗第二版嘅暴雨警報，用嘅係黃、橙、紅三種。同第一版相比，個撈稿變成長方形方框樣，其中左上角係淡灰色底帶暴雨撈稿，右上角係暴雨信號嘅中文字標識（綜藝體），下邊係指定颱風信號嘅對應英文單詞（全大寫嘅Arial Black字體），中、英文都係用空心字。呢種方案直到2014年大除夕正式廢除。後嚟為咗同嗰時嘅國家標準接軌兼加強警報信號嘅發佈效果，令大眾易睇得出係乜警報，從2015年元旦開始，廣東省氣象廳開始實施咗第三版嘅颱風警報，雖然佢同第二版用嘅色一樣，個樣亦差唔多，但右上角字樣改成「台风」兩字，颱風信號嘅中文字標識移到左下角，右下角嘅英文亦統一改成「TYPHOON」字樣，字體亦冚唪唥改嗮用中國大陸街頭巷尾出現嘅黑體兼變成實心字。呢種方案直到2014年大除夕正式廢除。後嚟為咗同嗰時嘅國家標準接軌兼加強警報信號嘅發佈效果，令大眾易睇得出係乜警報，從2015年元旦開始，廣東省氣象廳開始實施咗第三版嘅暴雨警報，雖然佢同第二版用嘅色一樣，個樣亦差唔多，但右上角字樣改成「暴雨」兩字，暴雨信號嘅中文字標識移到左下角，右下角嘅英文亦統一改成「RAINSTORM」字樣，字體亦冚唪唥改嗮用中國大陸街頭巷尾出現嘅黑體兼變成實心字。喺深圳，雖然第三版暴雨警報個樣同第二版幾乎一模一樣，但係字體改成用實心嘅黑體字，重喺下邊多咗個指定暴雨信號色底帶「暴雨」兩字嘅符號。喺茂名電白，當地雖然改用咗中國大陸非廣東版通用嘅暴雨警報，但係表達意思同廣東版一樣。

現行信號

廣東大多數地區用緊嘅暴雨警報如下：

級	名	撈稿	意義	應變措施
Ⅲ	黃色暴雨警報		6個鐘內本地可能有暴雨，同埋雨勢可能持續。一啲低窪地帶同排水冇咁好嘅地區會出現水浸。	進入暴雨戒備狀態，關注暴雨最新報導。 中小學或幼稚園、托兒機構應該採取適當措施嚟保障學生同細蚊仔嘅安全。 揸緊車啲人應注意道路積水同交通阻塞兼確保安全。 可能受大雨同水浸影響嘅市民應採取適當嘅預防措施，去防止可能引致嘅損失。
Ⅱ	橙色暴雨警報		當地喺之前嗰3個鐘內已錄得或預料會有每個鐘雨量超過50毫米嘅大雨，同埋雨勢可能持續。持續嘅暴雨已經或將會導致道路嚴重水浸同交通擠塞。	暴雨亦可能影響學校上課時間。家長、學生、學校當局同校車司機都應留意電台同電視台有關學校嘅公佈。 若果係返學期間，屆時可以延遲返學。若果係返放學半佬，就應搵就近安全場所暫避，直到情況安全適宜先繼續行動。 校巴司機應確保接載學生到安全地方（通常係就讀學校），除非前面路面或交通情況唔許可。 有需要外出嘅人士應小心考慮天氣同道路嘅情況同注意安全措施。 行駛車輛應盡量避開或兜開下沉式立交橋或積水路段（尤其係有涉水線標記之地），盡量避免穿過水浸道路同將車停喺低窪易澇等危險區。 注意好暴雨引發嘅山泥傾瀉、泥石流、內澇等災害。 對低窪地段室外供用電設施採取安全防範措施。 相關應急處置部門同搶險單位應加強值班，密切監視災情。喺積水地區實行交通疏解同排水防澇；將崖广地帶同危樓入面啲人轉移到安全場所暫避。 暫停戶外作業同活動，盡量留喺在安全場所暫避。
Ⅰ	紅色暴雨警報		當地喺之前嗰3個鐘內已錄得或預料會有每個鐘雨量超過100毫米嘅大雨，同埋雨勢可能持續。由於道路嚴重水浸同天氣情況惡劣，市民應留喺安全地方暫避。喺紅色暴雨警告重生效緊同交通情況未改善之前，唔應該外出。	進入暴雨緊急防備狀態，關注暴雨最新報導同埋政府及有關部門發佈嘅防範暴雨通知。 中小學同幼稚園、托兒機構要實行停課。若果係返學期間，屆時唔好去學校上堂。若果係放學期間，喺路上啲學生應喺安全情況下返屋企或到就近安全地方暫避。學校必須要保障在校嘅學生（包括喺校巴或寄宿）安全。 空曠地方工作嘅人士應停止戶外工作同活動，並到安全地方暫避；危險地帶同危樓入面啲人應該要撤離。 凡係地下設施同經營單位都必須要採取有效措施，避免減少損失同保障人員安全。 對低窪地段室外供用電設施採取安全防範措施。 行駛車輛應喺就近安全區域暫避，盡量避免將車停喺低窪易澇等危險區。若果遇到嚴重水浸等崖广情況，盡量棄車逃生。 政府呼籲僱主唔應該要求僱員返工，除非有關暴雨時嘅工作安排已有事先協定。 若果僱員已經喺紅色暴雨警告前返咗工，就應留喺原嚟單位，除非嗰度會有危險。 相關應急處置部門同搶險單位應嚴密監視災情，做好暴雨引發嘅內澇、山泥傾瀉、泥石流、內澇等災害應急搶險救災工作。

深圳

級	名	撈稿	意義	應變措施
Ⅲ	黃色暴雨警報		6個鐘內本地可能有暴雨或經已出現明顯落水，同埋雨勢可能持續。一啲低窪地帶同排水冇咁好嘅地區會出現水浸。	進入暴雨戒備狀態，關注暴雨最新報導。 中小學或幼稚園、托兒機構應該採取適當措施嚟保障學生同細蚊仔嘅安全。 揸緊車啲人應注意道路積水同交通阻塞兼確保安全。 可能受大雨同水浸影響嘅市民應採取適當嘅預防措施，去防止可能引致嘅損失。
Ⅱ	橙色暴雨警報		當地喺之前嗰3個鐘內已錄得或預料會有每個鐘雨量超過50毫米嘅大雨，同埋雨勢可能持續。持續嘅暴雨已經或將會導致道路嚴重水浸同交通擠塞。	暴雨亦可能影響學校上課時間。家長、學生、學校當局同校車司機都應留意電台同電視台有關學校嘅公佈。 若果係返學期間，屆時可以延遲返學。若果係返放學半佬，就應搵就近安全場所暫避，直到情況安全適宜先繼續行動。 校巴司機應確保接載學生到安全地方（通常係就讀學校），除非前面路面或交通情況唔許可。 有需要外出嘅人士應小心考慮天氣同道路嘅情況同注意安全措施。 行駛車輛應盡量避開或兜開下沉式立交橋或積水路段（尤其係有涉水線標記之地），盡量避免穿過水浸道路同將車停喺低窪易澇等危險區。 注意好暴雨引發嘅山泥傾瀉、泥石流、內澇等災害。 對低窪地段室外供用電設施採取安全防範措施。 相關應急處置部門同搶險單位應加強值班，密切監視災情。喺積水地區實行交通疏解同排水防澇；將崖广地帶同危樓入面啲人轉移到安全場所暫避。 暫停戶外作業同活動，盡量留喺在安全場所暫避。
Ⅰ	紅色暴雨警報		當地喺之前嗰3個鐘內已錄得或預料會有每個鐘雨量超過100毫米嘅大雨，同埋雨勢可能持續。由於道路嚴重水浸同天氣情況惡劣，市民應留喺安全地方暫避。喺紅色暴雨警告重生效緊同交通情況未改善之前，唔應該外出。	進入暴雨緊急防備狀態，關注暴雨最新報導同埋政府及有關部門發佈嘅防範暴雨通知。 中小學同幼稚園、托兒機構要實行停課。若果係返學期間，屆時唔好去學校上堂。若果係放學期間，喺路上啲學生應喺安全情況下返屋企或到就近安全地方暫避。學校必須要保障在校嘅學生（包括喺校巴或寄宿）安全。 空曠地方工作嘅人士應停止戶外工作同活動，並到安全地方暫避；危險地帶同危樓入面啲人應該要撤離。 凡係地下設施同經營單位都必須要採取有效措施，避免減少損失同保障人員安全。 對低窪地段室外供用電設施採取安全防範措施。 行駛車輛應喺就近安全區域暫避，盡量避免將車停喺低窪易澇等危險區。若果遇到嚴重水浸等崖广情況，盡量棄車逃生。 政府呼籲僱主唔應該要求僱員返工，除非有關暴雨時嘅工作安排已有事先協定。 若果僱員已經喺紅色暴雨警告前返咗工，就應留喺原嚟單位，除非嗰度會有危險。 相關應急處置部門同搶險單位應嚴密監視災情，做好暴雨引發嘅內澇、山泥傾瀉、泥石流、內澇等災害應急搶險救災工作。