弗里德里希 (德國國會副議長)

弗里德里希（Hans-Peter Friedrich，1957年3月10號—）係德國基社盟政治人物，自1998年起成為德國國會議員。

喺總理默克爾嘅領導之下，佢曾經擔任德國聯邦內政部部長（2011－2013年） 同埋德國聯邦食品及農業部部長（2013年－2014年2月），自2017年10月24號起，佢成為咗德國國會副議長。

早年生活

佢喺1957年喺拜仁霍夫北部一個叫做Naila嘅小鎮出世。佢有一個法學嘅哲學博士學位，亦有修讀經濟學。喺1990－1991年間，佢曾經喺德國聯邦經濟事務和能源部同埋德國駐美國華盛頓領事館工作。

政治立場同爭議

弗里德里希喺德國少數族裔晚上有著一定嘅爭議，特別係喺德國回教徒嘅議題上，佢曾經同記者講，回教喺德國喺歷史上從未得到支持。

另外，佢喺中國問題上被視為對華友好，亦身兼組織「中國橋」嘅主席，又聲稱中國用40年左右既時間令超過7億人擺脫貧困。喺新疆同香港出現重大人權問題得到國際社會廣泛關注嘅時候，佢就曾經為中國開脫，話中國唔係獨裁國家，言論被唔少歐盟議員、學者猛烈抨擊，同埋指出警告中共已對德國政商學界進行全方位滲透。例如，德國學者穆達就話，佢領導嘅「中國橋」，基本上就係中共講乜佢就講乜，已經成為中共統戰一部分。德國台灣裔時評人成世光就懷疑，佢有負面材料被中共掌握先至願意做中共傳聲筒。

個人生活

佢已經結咗婚，有三個小朋友。