後花園天皇

出自維基百科,自由嘅百科全書
跳去導覽 跳去搵嘢
後花園天皇

後花園天皇日文:後花園天皇/ごはなぞのてんのう Go-hanazono Tennō1419年7月10號1471年1月18號)係日本第一百零二位天皇,原名彥仁(日文:彦仁ひこひと Hikohito),又叫伏見宮彥仁親王,響1428年9月7號至1464年8月21號在位。

佢係伏見宮貞成親王大仔,阿媽係庭田幸子。太爺係持明院統第三代天皇崇光天皇

經歷[編輯]

佢本身係伏見宮貞成親王大仔,後嚟因為稱光天皇早死,而大覺寺統嗰邊重響到搞搞震,所以後小松天皇急住要接班人。臨急之下,後小松天皇搵到咗佢做接班人。佢重做埋後小松天皇契仔。

之後廿年入面,後小松天皇一直響到做上皇,實施院政。後嚟上皇幹仁死咗,佢正式親政。但係響佢執政嘅時代入面,唔單止有土一揆同埋嘉吉之亂,大覺寺統嗰邊又響到搞搞震,大臣足利義政淨係顧住玩唔理朝廷,所以當時嘅政局一啲都唔穩定。

響1464年,佢讓位畀皇太子成仁親王,而自己就做上皇,係上皇彥仁。響1471年佢死咗,終年五十一歲,死後葬響後山國陵。

用過嘅年號[編輯]

仔女[編輯]

  • 長皇女 觀心女王(1434年至1490年)
  • 長皇子 皇太子成仁親王(即係後土御門天皇,1441年至1500年)
  • 次皇女 真乘寺宮(?至1482年)
  • 三皇女 照嚴女王(?至1464年)