徐步高
(由徐步高槍擊案跳轉過嚟)
徐步高（英文：Tsui Po-ko，1970年5月17號—2006年3月17號），原名徐長高[1]，係前香港警務處警員。1993年入職香港警隊，2006年3月尖沙咀廣東道同柯士甸道交界行人隧道入面俾軍裝巡邏小隊警員曾國恆射低。之後調查證實徐步高佢涉嫌2001年槍殺同事梁成恩，又去麗城花園恆生銀行打劫，俾香港傳媒封為「魔警」。
2007年2月26號，死因裁判法庭合併審理上面三宗開槍命案，4月25號裁定徐步高非法殺害警員梁成恩、曾國恆同埋巴基斯坦籍銀行警衞 Khan Zafar Iqbal，重槍傷「肥貓」冼家強，而徐步高自己係合法被殺。以往死因庭從未試過直接幫第二單案搵出兇手呢個做法，當時外界對死因庭呢個裁決都有爭議，再加上個別證人供詞係有明顯嘅隱瞞、專家證人對於徐嘅犯罪動機又只能夠以心理狀況做推測、環境證據又唔可以完全確認佢係單獨犯罪，有法律界人士質疑呢次審訊唔夠公平[2]。
參考
[編輯]- ↑ 〈休假殺梁成恩劫銀行 徐步高虛報外遊〉。《[[香港文匯報]]——綜合東周刊》。2006-03-29。原著喺2021-04-21歸檔。喺2022-03-29搵到。
- ↑ 〈世紀死因聆訊審結 徐步高殺三人〉 (中文)。蘋果日報。2007-04-26。原著喺2020-02-26歸檔。喺2020-03-08搵到。
出面網頁
[編輯] |