警察（粵拼：jing5 ca8），又叫差役或差人，中國大陸度依家係由公安或人民警察（簡稱民警）去執行呢部分嘅職權，而香港仲係由警務處所屬嘅專職警隊去負責執法。差人一般有權拉人返差館問話；有出街行嘅，又有坐寫字樓嘅文職；分軍裝同便衣。
香港警察舊時俗稱叫做綠衣或者大頭綠衣。香港成為英國殖民地之後，就出現咗屬於香港嘅警隊。而當時警察成員大多數係印度人，由於香港人慣咗叫印度人做「阿差（aa3 caa1）」，加上差又有衙差嘅意思，所以喺兩者結合之下，香港人就慣咗叫警察做差人。
