徐玉玉
| 徐玉玉 | |
|---|---|
| 出生日 | 1998年3月17號  |
| 死亡日 | 2016年8月19號 （18歲） |
| 國籍 | 中華人民共和國 |
[改維基數據] | |
徐玉玉（粵拼：ceoi4 juk6 juk6；簡化字：徐玉玉；1998年3月17號—2016年8月19號）係中國大陸嘅一位市民兼學生，山東臨沂人。2016年7月以568分嘅成績考到南京郵電大學。
死
[編輯]2016年8月18號，徐玉玉從臨沂第十六中學考到南京郵電大學，重收到臨沂市教育部門話要發放助學金畀佢。徐玉玉準備接收助學金時接到個生保電話，話有條2600蚊人民幣嘅助學金要過多幾日發畀佢，重要等佢辦助學金嘅相關手續。但通電話之前已經接到教育部門啲水，所以嗰時佢哋冇懷疑電話係堅定流。
到咗第二日16:30（UTC+8），徐玉玉再次受到個生保電話話要去銀行㩒錢，重按電話入面嗰位生保人提水操作，但未成功，後嚟生保人又問佢有冇第啲銀行卡，結果徐玉玉身上啱好裝住交學費嘅銀行卡，入面存住1萬蚊人民幣而話咗畀佢。之後生保人又話交學費嗰張卡未激活，要通過ATM機攞9900蚊嚟激活銀行卡，再將錢輸入指定賬號，重話喺半個鐘內將呢9900蚊連同助學金嘅2600蚊一齊畀返嚟。雖然徐玉玉冇懷疑到係滾友而按照生保人嘅口述操作搞掂嗮，但係過咗陣都冇錢畀返，徐玉玉開始懷疑件事唔多妥，即刻打電話返轉頭，不過生保電話嗰邊熄咗機。啲錢過咗半個鐘都冇再畀返嚟。
徐玉玉返緊屋企時突然暈咗，人哋嗌極都唔醒，送到醫院盡力搶救後重係證實不治，終年18歲。
後續
[編輯]徐玉玉因詐騙案而猝死嘅事傳出去後，震驚咗成個中國大陸嘅社會界。當年月23號，臨沂公安部門成立專案組而調查呢單案，甚至連當地市民話快啲破到單案。當日查到原嚟係張文輝、陳福地、鄭金峰、鄭賢聰、黃進春、熊超呢5位冒充教育局幹部，以發助學金嘅名呃咗徐玉玉9900蚊人民幣[1]。三日後，公安部發出咗A級通緝令，最先喺福建捉咗熊超，第二日又捉到鄭金峰、陳福地、黃進春總共4位疑犯[2]。2016年8月27號又捉到張文輝；28號時，最後一位未捉到嘅犯罪嫌疑人——鄭賢聰，親自向公安機關投案自首，至此全部作案人物都捉嗮[3]。據公安機關介紹，呢6位嫌疑人都係出自中國大陸嘅電信詐騙之鄉——福建泉州安溪縣[4]。
2017年6月27號09:00（UTC+8），呢單案喺山東臨沂中級人民法院正式開庭審理，但因為家屬未出到庭而押後再審[5]。同年7月19號再次開庭審理，最後判決被告人陳文輝以非法佔有名義嚟實施電信詐騙嘅罪行而依法判處無期徒刑，其他嗰六位被告都被依法判處3～15年監禁[6]。
註
[編輯]- ↑ 徐玉玉学费被骗致死案已抓获4人，嫌犯陈文辉、郑贤聪在逃 互聯網檔案館嘅歸檔，歸檔日期2016年8月28號，. 澎湃新聞 （2016-08-26）
- ↑ 临沂徐玉玉被骗案4名嫌犯归案 被抓现场曝光 互聯網檔案館嘅歸檔，歸檔日期2020年3月27號，. 青島日報 （2016-08-27）
- ↑ 快讯：徐玉玉案最后嫌犯自首 6人悉数落网(图) 鳳凰網 （2016-08-29）
- ↑ 徐玉玉案犯罪嫌疑人家乡曾是电信诈骗之乡 互聯網檔案館嘅歸檔，歸檔日期2016-08-28. 新浪（2016-08-27）
- ↑ 徐玉玉案公开审理 其父赶路18公里只能庭外苦等 互聯網檔案館嘅歸檔，歸檔日期2017年6月30號，. 火狐中文网（2017-06-28）
- ↑ 〈"徐玉玉被电信诈骗案"主犯陈文辉被判无期〉。《央视新闻》。新浪。2017-07-19。原著喺2017-07-22歸檔。喺2017-07-21搵到。
攷
[編輯]- 18岁大学生徐玉玉被骗学费后身亡 知網 （2016-08-25）
- 南邮准新生山东徐玉玉被骗离世案告破 南京网络电视台 （2016-08-27）