從化太平第二中學

從化太平第二中學
The 2nd. Middle School of Taiping
從化太平第二中學; The 2nd. Middle School of Taiping
	自強　自立　嚴謹　嚴明
位置
	太平場康樂西路50號
明細
校訓	自強　自立　嚴謹　嚴明
成立	1979年4月
校區	從化區
級別	初中三年全日制
網站	http://school.3xy.com.cn/School/100453

從化太平第二中學（粵拼：cung4 faa3 taai3 ping2 dai6 ji3 zung1 hok6）（注意平字有當地鄉下話變音），又叫太平二中，係中國廣東廣州嘅初中三年全日制中學，1979年創辦，位置喺從化太平場康樂西路50號。地理上屬從化經濟技術開發區。

校服色[編輯]

太平二中嘅校服

長袖

衫：
　　　相間。領　，袖口　帶兩條　線，正面、背面同兩袖中間都有V字形嘅分界（兩袖銳角，正反面鈍角），分界上方有條平行於分界嘅　粗線，左右對稱。
褲：
　，兩邊有條好幼嘅　線，重有種喺中間帶些少　邊。

短袖

衫：
　，左右對稱，有領有紐扣，領同袖口　帶　邊。
褲：
呢間學校從未發行過短褲品種。不過啲學生好多時喺熱天嗰時着自己買啲短褲入學校讀書時，保安同值班學生都唔會截得就截，但必須要有太平二中啲學生卡先至畀入學校。

史[編輯]

學校喺1979年4月開辦，初期學校喺屈洞村入面開辦，嗰時嗌從化縣屈洞初級中學，但屬廣州市第17中學嘅從化分校。1994年4月，學校改咗名做從化太平第二中學。1996年俾從化市人民政府（今日嘅從化區人民政府）定為落後學校。1997年7月向西搬到康樂西路50號入面辦，重喺1999年捹甩「落後學校」嘅怪名。2003年重將學校改造過。2005年5月升級成從化市一級學校，2014年因從化撤市改區，學校變成從化區一級學校。

爆發校園暴力事件[編輯]

2015年6月29號中午（UTC+8），學校宿舍爆發咗單震驚全廣東地區嘅校園暴力案。有位喺水南村住嘅14歲在讀智障學生——小亮（花名），俾一班14～15歲嘅學生圍住宿舍入面嘅牆角猛咁用棍頭㩧兼被錄成短片擺上網。雖然短片得唔夠10秒長，但引起好多家長、學生同社會嘅關注。據小亮解釋，當日佢因為午休時嘈醒咗瞓緊中午覺嘅大土（花名），後嚟幾位包括小白（花名）嘅同黨加入而㩧咗小亮一餐，重發埋張不雅相入微信朋友圈。事發第二日朝早，駱某喺學校睇到小亮被打嘅短片轉畀小亮阿媽後而雞噉腳搵先生，當日晏晝，4位負責搞校園暴力嘅家長嚟咗學校凈傾咗一個鐘兼簡單道歉就算。後嚟小亮阿媽帶咗小亮到醫院照CT，重嗌參與校園暴力嘅家長喺禮拜三（2015年7月1號）再傾過單嘢，但一直冇下文。直到同年7月5號，駱某建議小亮阿媽扯多幾位家屬嘅親戚過嚟傾呢單嘢，當日六位參與校園暴力嘅家屬全部到齊，連差佬同埋新聞媒體都過嚟關注呢單嘢，之後六位家屬猛咁家嘈屋閉，嘈夠差唔多4個鐘先至結束。最後6位肇事學生嘅家屬向差佬道歉兼賠咗￥5000，重簽埋協議邊個報復小亮嘅，就即刻被叉住同監禁^[1]^[2]。