微辣
微辣（英文：Manner）係個澳門嘅娛樂品牌，為微辣文化有限公司所有。
陸志豪、李偉麟以及林茂發響2013年8月合資成立微辣製作有限公司；佢哋專門整啲搞笑影片，上載到社交媒體平台[1]；響2014年6月因《買雪糕時不要分心》大受歡迎而變得聲台大噪[2]，並響2015年得到姜偉靖注資[3]；再先後喺大陸以及香港成立分公司以及辦公室，響2018年首季改為現名[4][5]。2023年7月，其前職員劉靜儀自殺，成為咗哄動嘅大新聞，公司整體同多個成員飽受批評，官方Instagram户口響8月10號宣布「微辣頻道」「暫停更新」[6]；到左2024年9月先至恢復正常，不過坊間反應欠佳[7]。
歷史
[編輯]原本「微辣」網站只係得幾條十秒鐘嘅短片，後嚟因為一條麥當勞揸雪糕嘅片爆紅，佢哋貼地搞笑共鳴嘅風格，吸引咗好多人鍾意，對佢哋有興趣，之後仲越做越大。而家喺各平台嘅短片畀人瀏覽咗超過30億次，Fans亦超過600萬，遍佈中國大陸、香港、澳門、台灣、東南亞等地[8][9]，由六毫子、Jacky Lei同埋加蔥三人夾份搞咗微辣創作，亦即係微辣嘅前身。
有消息指呢檔生意喺2021年已經籌備緊喺香港上市，不過由於業績唔夠好，一直實行唔到。到2023年，劉靜儀（阿晶）自殺事件重創佢哋嘅計劃，唔止畀人質疑佢哋詐騙澳門政府津貼，仲被廣大港澳市民抵制，搞到好難營運，甚至可能要執笠或賣盤。[10][11]阿晶自殺事件後，微辣宣布暫停更新。[12]有網民影到微辣嘅辦公室拆哂，裏面一片狼藉。[13]
響2024年9月5號，該公司上載新歌〈成長列車〉嘅MV，作為「重啟」之作。[14]
藝員
[編輯]在任
[編輯]- 麥嘉欣（Sofia）
- 陳康榮（雞Wing）
- 黃曉晴（Yelo）
- 劉蘊晴（Rachel）
- 李天慧（多多）
- 李熙媛（R）
- 馬檇鏗（Roberto）
- 雷諾（Black Joe）
- 駱錦瑩（Lok B）
- 范偉培（Alex）
- 陳建博（囂糕）
- 謝慧欣（細欣）
退任
[編輯]- 歐陽仲豪（豪DEE）
- 霍俊邦（霍哥）
- 林茂發（加蔥）
- 陳欣（田娜）
- 葉蘇霖（Sulin）
- 李宇軒（阿軒）
- 葉佩男（家姐）
- 葉思男（阿妹）
- 高維泰（阿泰）
- 黃馨慧（慧慧）
- 溫寶茹（艾美麗）
- 李靖茹（蘇菲）
- 吳少雄（泰仔）
- 符彩玉（豆腐）
- 朱浩文（菠蘿）
吉祥物
[編輯]微辣按商標中嘅橙色尖椒塑造左隻名為BiBi椒／嗶嗶椒嘅卡通角色[15]；佢由2016年1月至2017年11月經常以公仔人形態出現於其影片當中[16][17]。
爭議
[編輯]武漢肺炎疫情期間涉嫌違反限聚令
[編輯]喺2022年7月26號，食品公司Future Salad被揭發喺ClubONE淺水灣店搞違反限聚令嘅活動，其中一啲微辣嘅演員，仲有丁子高同方力申都有出席[18]。
被指欺凌前經理人致其自殺身亡
[編輯]劉靜儀（阿晶／Jane）曾經係微辣嘅經理人，亦曾經係林茂發（加蔥／Nathan）嘅女朋友，2021年離開咗微辣並獨立噉做KOL，到2023年先後疑似食安眠藥自殺失敗同證實燒炭自殺成功，而自尋短見嘅原因被指為長期抑鬱症。坊間推斷佢嘅情緒病起係同林茂發嘅感情瓜葛加上其他微辣職員嘅精神傷害。阿晶喺網絡上同林茂發隔空對質，證實阿晶曾經懷有加蔥骨肉，加蔥遊說或威迫到阿晶去墮胎，加蔥向阿晶表示自己係不婚主義者，其後分手；過咗一排向微辣另一個女職員張詠儀（儀仔／Catherine）求婚，並喺網上多次放閃，兩人現為未婚夫妻。另外，亦有大量網民分析阿晶自殺嘅另一個原因係最少六個其他微辣成員夾份職場欺凌兼網絡欺凌佢，阿晶亦指控微辣有人恐嚇，要佢收聲，而公司已經整好咗用來對付佢嘅歌同片，仲要佢簽署若干聲明，微辣喺後來嘅一份公告否認有噉嘅事。[19][20]
與微辣相熟之KOL散佈假消息
[編輯]喺阿晶死後無幾耐，YouTube頻道「伍妞有伍仔」多次聲稱得到獨家報料，並以此為題，發表喺商業上似乎對微辣文化有利嘅言論，後來有唔少佢展示或描述嘅所謂證據被確認係流嘢，因此備受網絡輿論批評，以下列出較為囑目者；若干其他因有「標題黨」問題而為人詬病嘅內容在此省略。
- 用變聲技術捏造所謂前微辣員工錄音：段呃人嘅嘢出現於「伍妞有伍仔」YouTube頻道嘅錄播節目；有個喺「無糧軍師Water」YouTube頻道直播節目中鋒煙嘅觀眾質疑其出自該主持之口；「伍妞有伍仔」YouTube頻道嘅錄播節目承認被講中，聲稱噉做嘅目的係保護線人
- 用做過手腳嘅微信截圖指控阿晶犯法：張呃人嘅嘢出現於「伍妞有伍仔」YouTube頻道嘅錄播節目；是次造假俾一個「請求澳門特首取消全部對微辣的資助及貸款聯署」面書群組嘅帖揭發[21]；「伍妞有伍仔」YouTube頻道嘅一個帖大概話相信噉係線人嘅錯，質問緊佢[22]
- 講述令人驚訝嘅所謂微辣眾星報價表：堆異常龐大嘅金額出現於「伍妞有伍仔」YouTube頻道嘅錄播節目；該批資料隨後亦經其他渠道喺互聯網流傳[23]；兩個「請求澳門特首取消全部對微辣的資助及貸款聯署」面書群組嘅帖質疑銀碼失實[24][25]；「伍妞有伍仔」YouTube頻道嘅一個帖大概指對方證據不足，形容被屈[26]
參考
[編輯]- ↑ 〈微辣高校遊 - 壹個澳門新媒體的誕生〉。《澳門科技大學》 (臺灣中文)。喺2024-11-17搵到。
- ↑ 〈【微辣攻港】力保「澳門味」 望為小人物發聲〉。imoney.hket.com。喺2024-11-17搵到。
- ↑ Phillips, Mark (2022-04-22)。〈廣東話樂趣〉。Macau Closer (繁體中文)。喺2024-11-17搵到。
- ↑ https://www.fss.gov.mo/zh-hant/newscenter/news?id=424
- ↑ 〈澳門特區政府旅遊局與文化局參與第22屆香港國際影視展 - 澳門特別行政區政府旅遊局〉。www.dst.gov.mo。喺2024-11-17搵到。
- ↑ 〈澳門日報〉。www.modaily.cn。喺2024-11-17搵到。
- ↑ 〈微辣復出上載MV試水溫 阿晶逝世一年多團隊一度暫停運作〉。Yahoo News (中文)。2024-09-06。喺2024-11-17搵到。
- ↑ 〈澳自媒體企業期再發光芒〉。市民日報。原著喺2017年7月24日歸檔。喺2017-03-05搵到。
- ↑ 〈澳門90後青年拍MV鼓勵追夢 網民贊「聽到哭」〉。文匯資訊。原著喺2014-08-03歸檔。喺2013-08-26搵到。
- ↑ 《微辣已死，爆料上市失敗原因！ 六毫子行蹤成謎，藝人紛紛跳船！《#焦點新聞︱20230811》CC中字》 (英文)，喺2023-08-18搵到
- ↑ 〈Jolam 林作 on Instagram: "依家應該可以講啦：我10日前代表一位富豪向微辣發出了收購邀約，並和高層直接洽談了。隨後對方聯絡不了了之。咁樣，唔係更加要賣咩？"〉。Instagram (英文)。喺2023-08-18搵到。
- ↑ 〈微辣阿晶離世丨微辣宣布即日起「暫停更新」 網民唔收貨繼續怒罵：執咗佢啦！〉。《星島頭條》 (香港中文)。2023-08-10。喺2023-08-18搵到。
- ↑ 《網傳澳門辦公室退租後最新照片 內部全數拆毁一片狼藉》 (香港中文)，香港01，2023-09-25，喺2024-04-25搵到
- ↑ 長濱睡睡 (2024-09-07)。〈微辣復活YouTube出新片鍾培生都撐｜7成網民負評：阿晶幾時復活？｜數碼生活〉。《香港01》 (香港中文)。喺2024-11-17搵到。
- ↑ "Facebook". www.facebook.com. 喺2024-11-17搵到.
- ↑ 《39K views · 1.2K reactions | 吃漢堡要注意的事 | 吃漢堡要注意的事 加蔥 Nathan Lam 不是魔術 Royal Lemon 地址:澳門姑娘街善德花園地下C座 大大份，齊齊享 夠彊叫朋友一齊黎食啦，包山塔漢堡！！ - #大大份齊齊享 #BiBi椒 | By BiBi椒 | Facebook》 (英文)，喺2024-11-17搵到
- ↑ 《405K views · 3.7K reactions | 消失了半年的他終於回來了！ | 消失了半年的他終於回來了！ BiBi椒 Doris Lee 多多 #惡搞 #HitJ --------------------------- 😆生活的調味 Taste Happiness 📍Instagram：Mannerproduction 📍YouTube：微辣Manner 📍24小時辣住吹：辣粉團 | By 微辣 Manner | Facebook》 (英文)，喺2024-11-17搵到
- ↑ 陶嘉心 (2022-07-27)。〈淺水灣ClubONE辦網紅派對泳衣騷 百人除口罩滿場飛碰杯涉違防疫〉。《香港01》 (香港中文)。喺2022-07-29搵到。
- ↑ 〈微辣阿晶Jane自殺離世 加蔥ig被網民湧入怒罵：出嚟道歉〉。《香港01》 (香港中文)。2023-07-27。喺2023-07-27搵到。
- ↑ "微辣Manner on Instagram". Instagram (英文). 喺2023-08-08搵到.
- ↑ 〈請求澳門特首取消全部對微辣的資助及貸款聯署 | 5仔YT封面的0.6與晶對話：〉。www.facebook.com (英文)。喺2023-08-18搵到。
- ↑ 〈伍妞有伍仔 - YouTube〉。www.youtube.com。喺2023-08-18搵到。
- ↑ 〈微辣解散｜微辣官方IG宣布暫停更新 傳已遣散員工、藝人收費全曝光 | 最新娛聞〉。《東方新地》 (美國英文)。2023-08-11。喺2023-08-18搵到。
- ↑ 〈請求澳門特首取消全部對微辣的資助及貸款聯署 | 晶離職post 偽人收入開頭得幾千。2021/8 叫隱定。什麼一個月150萬？係就地址不是工業大廈。多謝5.0指引〉。www.facebook.com (英文)。喺2023-08-18搵到。
- ↑ 〈請求澳門特首取消全部對微辣的資助及貸款聯署 | @everyone 億元大老虎 vs ＄3000小麻雀〉。www.facebook.com (英文)。喺2023-08-18搵到。
- ↑ 〈伍妞有伍仔 - YouTube〉。www.youtube.com。喺2023-08-18搵到。