李裀

李裀
出生日	1754年5月29號
死亡日	1801年
死因	毒
國籍	大朝鮮國
職業	政治人
配偶	lady SangSan from Song
仔女	李㼅、李湛
阿爸	李愃
阿媽	lady Suk from Im
	[改維基數據]
	睇; 傾; 改;

注意：呢篇文章有統一碼中日韓越統一表意文字擴展A區用字：䄄。如果你部電腦唔支援，嗰啲字就會錯誤顯示成空格、問號或者方格等。請睇睇Wikipedia:Unicode擴展漢字。

李裀（韓文：이인，1754年 5月29號—1801年 6月30號），字明興（韓文：명흥），封恩彦君（韓文：은언군），諡號忠貞（韓文：충정），係朝鮮王朝嘅王族成員。

家譜

李裀係：英祖李昑嘅庶孫、思悼世子李愃嘅庶大仔、恩信君李禛嘅親阿哥^[1] 、第22代王李祘嘅半細佬^[2]、懿昭世子李琔嘅半細佬、恩全君李禶嘅半阿哥、同埋第25代王李元範嘅爺爺^[3]。

生平

流放

喺1762年，李裀嘅爸爸李愃畀佢爸爸李昑（即係李裀嘅爺爺）判咗死刑。喺爸爸死咗之後，李裀變咗好窮，窮到要同漢城府市場嘅商人洪鳳漢借錢。之後，因為李裀唔能夠還返啲錢，所以洪鳳漢同國王李昑要求還錢。到1771年2月，李昑決定將李裀流放去濟州島^[4]。

喺流放期間，李裀嘅細佬李禛因為風土病而過咗身，而佢自己喺冇耐之後又放返。到1776年，國王李昑過身，李裀嘅半阿哥李祘成為咗新國王。

返去王宮

因為王妃洪元嬪冇細路，所以李裀就將自己嘅仔李濬（之後叫做李湛）交咗畀佢做領養之下嘅大仔^[5]。到1779年，洪元嬪病死咗。佢哥哥洪國榮之後攻擊咗朝政大臣，跟住畀大臣罷免咗。元嬪嘅大仔李濬改咗名做李湛^[6]。喺1786年，李湛因為飮咗毒藥而自殺死咗。

又流放

因為朝政大臣同埋李裀嘅家庭一齊不滿，所以佢哋合力將李裀再一次流放，今次係去江華島。

朝政大臣非常不滿李裀嘅親生仔李湛嘅行為（即係自殺），想同佢做埋死刑。幸好，國王李祘（同時亦都係佢半阿哥）強硬反對殺死自己嘅半細佬。

死刑

喺1801年，李裀嘅正規太太宋常山，同埋佢嘅新抱申平山，都係天主敎教徒，仲受埋咗洗禮，令王朝非常反感。朝鮮國嘅國教係儒教，所以天主教係屬於違背國家，等同死刑。不過，李裀不斷反抗呢個決定，不過唔成功。同一年，李祘過身，李玜繼位做國王。實際話事嘅貞純王后非常堅持要李裀過死刑，最終李裀喺江華島流放期間，喺1801年6月30號被迫食毒藥過身。