愛爾蘭共和國足球代表隊
愛爾蘭共和國男子足球代表隊（愛爾蘭蓋爾文：Foireann sacair náisiúnta Phoblacht na hÉireann），有時簡稱「愛爾蘭（共和國）國家隊」，係愛爾蘭共和國嘅國家男子足球代表隊，由愛爾蘭足球協會管理，主場係新蘭斯敦路球場，現任主教練係愛爾蘭人史提芬堅尼（Stephen Kenny），隊長係史密斯高文。
史
[編輯]1922年愛爾蘭自由邦成立之後，愛爾蘭自由邦喺1924年第一次組隊出戰奧運會，一路打到入八強賽。1936年愛爾蘭自由邦改制為共和國之後，愛爾蘭足協一直以「愛爾蘭」（Éire或者Ireland）自稱。1953年，國際足協決定：愛爾蘭島上面嘅兩支國家隊都可以打世界賽；由愛爾蘭足協管理，代表愛爾蘭共和國嘅足球隊，一定要以「愛爾蘭共和國」自稱，而由北愛爾蘭足協管理，代表英屬北愛爾蘭嘅足球隊，就簡稱「北愛爾蘭」。
1964年，愛爾蘭參加歐洲國家盃外圍賽，一路進軍到八強，最後畀西班牙淘汰。1988年愛爾蘭再次殺入歐洲國家盃決賽圈首回合。1990年更加第一次殺入世界盃決賽圈，之後又先後喺1994年同2002年殺入世界盃八強同16強。2002年FIFA世界盃外圍賽最後一輪愛爾蘭對法國，法國嘅亨利喺愛爾蘭龍門前邊用手控球，再將球傳畀隊友威廉·加勒斯射入，以2:1淘汰愛爾蘭進軍決賽圈。2012年，愛爾蘭再次殺入歐洲國家杯決賽圈，不過最後小組賽三場輸晒出局，而第一場小組賽葡萄牙裁判彼得羅·浦羅恩沙推跌愛爾蘭嘅奇夫·安組斯，更加引發爭議。2016年歐洲國家盃，愛爾蘭喺16強輸畀東道主法國。
出面網頁
[編輯]- 愛爾蘭共和國足球代表隊喺FIFA.com嘅球隊資料 （英文）