感覺型失語症（英文：fluent aphasia）係一種同語言相關嘅病。有感覺型失語症嘅病人講嘢嗰陣能夠發出準確嘅聲，但講嘅嘢冇乜意思，例如個病人想講話佢去同隻狗散步，但講出嚟嘅嘢係「我知隻狗有啲唔舒服所以我想佢去行吓，我想好似你講嘅噉照顧吓佢」（一句意思上有少少九唔答八嘅句子）。呢種病通常係源於大腦皮層嘅韋力卡區有病變。
