戴恩玲
 |
戴恩玲（英文：Anna Tai，1975年6月6號—），係香港1990年代女歌手，代表作品係卡通片《飛天少女豬事丁》主題曲《愛心一百次》。
簡歷[編輯]
戴恩玲喺香港出世，祖籍廣東河源紫金。佢中學讀可立中學，讀緊書嗰陣代表學校參加聯校音樂比賽攞到亞軍，畀做嘅評判唱碟監製安格斯賞識，之後入咗樂壇。佢喺1993年同星光唱片簽約，出過單曲，1994年改簽華星唱片。
戴恩玲先後喺1995年同1996年出過大碟同EP，不過嗰時反應麻麻，只係得兒歌《愛心一百次》比較多人識，結果佢喺1996年退出樂壇。網上流傳話佢經已嫁咗人，住緊半山區，仲生咗兩個仔女。
音樂作品[編輯]
- 1995年：大碟《你是我的第一個》
- 1996年：EP《不經意》
電視劇演出[編輯]
- 1995年：無綫電視《總有出頭天》 飾 程真