打鼓嶺 (九龍)

打鼓嶺（Ta Kwu Ling，又Ta Ku Ling）係香港一地，亦係一村，亦係一山。佢喺新九龍，東石鼓壟，南衙前圍，再遠有九龍寨城，西南侯王廟同老虎岩，西北橫頭磡，東北黃大仙，遠啲竹園。村已沒，個位喺家下摩士公園足球場。打鼓嶺係村北後山，英軍曾以此山練靶。

九龍城市區有打鼓嶺道，不過只係以村命名，並唔經打鼓嶺。

名

打鼓嶺嘅嶺，卽係山，村嘅後山。而叫打鼓，有說係以喺山高處打鼓通報，係防海賊之舉。

村

打鼓嶺村住處谷地，東北同東面皆有一谷，各有涌，匯合經村南，過隔坑同衙前，注入九龍灣。

山

村後打鼓嶺稍爲凸起，高處有一百廿二呎。嶺四圍因爲地勢稍低，都開做田地。

英軍設咗練靶區，由九龍寨城後山，過到打鼓嶺山地，到獅子山腳。而獅子山腳到山頂，英軍都預留來用。

屋宇公園

打鼓嶺之地，都參唔多全係摩士公園，少部份係黃大仙下邨。