石鼓壟（Shek Kwu Lung，又Shek Ku Lung）係香港一地，亦係一村，喺新九龍內。佢東係蒲崗，西南係隔坑，南係衙前，西係打鼓嶺，北係黃大仙，東北係竹園。原村已沒，約莫今日啟德花園同黃大仙下邨南部。
九龍城市區有石鼓壟道，不過只以村而名，並不通石鼓壟。
石鼓壟嘅石鼓，查實係大嚿石。人以石似鼓，叫石鼓。石鼓爲名，香港到處都有。壟就係長形稍高嘅田，不過地勢是如此，已不可考。
石鼓壟村喺英租新界前就有。原有涌自打鼓嶺呢坐山流出，村就立其東側，沿涌而建。涌水匯合其他支流，過隔坑、衙前，出九龍灣。香港日治時期，條村啱啱係啟德機場擴建之外，而爲機場而開嘅明渠，在其之外。村避得過日治，亦敵唔過市區拓展。
石鼓壟唔少地，都變成黃大仙下邨同啟德花園，亦有啲變成摩士公園。
