抽象機械

抽象機械（abstract machine）係自動機理論上用嚟將運算機械概念化嘅做法－一部抽象機械內部有一啲函數，並且會攞一啲輸入，按輸入同內部嘅函數計個輸出出嚟，例如係以下呢部極簡單嘅抽象機械：

上圖呢部機械會攞一串符號做輸入，再話俾用家知，串符號入面 0 嘅數量係咪雙數：部機開始於 S₁ 狀態；當部機讀到一個 0 嗰陣，會進入 S₂ 狀態，而當佢再讀到個 0 嗰時，會返去 S₁ 狀態；如果佢讀到嘅係 1 或者第啲符號嗰時，部機唔會改變狀態；喺部機讀完嗮成串符號之後，如果串符號入面 0 嘅數量係雙數，佢會處於 S₁ 狀態，否則佢就將會處於 S₂ 狀態。呢部抽象機械可以用多種唔同嘅物理機制實現－運算理論上嘅思考係抽象性（abstract）嘅。